కొత్త సంవత్సరంలో అది చేస్తాం.. ఇది చేస్తాం అంటూ తీర్మానాలు చేసుకునే వాళ్లు ఎందరో. వాళ్లలో కొంత మంది షరా మామూలుగా వాటిని లైట్ తీస్కుంటే.. సీరియస్ గా తీసుకుని పాటించేవాళ్లు ఇంకొందరు. ఆ పాటించేవాళ్లు ఒక్కరోజు రిలాక్స్ అయితే ఎలా ఉంటుంది? ఆ వెసులుబాటు అందించేందుకే ఒకరోజు ఉంది. ఇప్పుడు ఆ రోజు గురించి తెలుసుకుందాం. . !
జనవరి 17న ‘డిచ్ న్యూ ఇయర్స్ రెజల్యూషన్ డే’. ఈ రోజు ఎలాంటి తీర్మానాలనైనా సరే పక్కనపడేసి జాలీగా గడపొచ్చు. తప్పు చేశామని బాధ పడాల్సిన అవసరం లేదు. నెదర్లాండ్ లో జనవరి 17ను జాలీ డే గా పాటించే సంప్రదాయం మొదలైంది.
కొత్త సంవత్సరం ప్రారంభమైన రెండు వారాలకే ఈ వెసులుబాటు ఉండటంతో ఊరట చెందే అవకాశం చాలా మందికి కలు గుతోంది. కానీ, ఆ తర్వాత ఏడాది పొడవునా తీర్మానాలను తప్పక పాటించాల్సి ఉంటుంది కదా! అందుకే అమెరికా, చైనా, నైజీరియా లాంటి దేశాలు మధ్య మధ్యలో కూడా ‘డిచ్ ఇయర్ రెజల్యూషన్ డే’లు జరుపుతున్నాయి. కొన్ని సర్వేల ప్రకారం ఈ ఏడాదిలో 80 శాతం మంది ఈ రోజును జరుపుకునే అవకాశాలు ఉన్నట్లు ఓ అంచనా.