Donald Trump: సంచలన నిర్ణయాలకు కేంద్ర బిందువుగా మారిన అమెరికా అధ్యక్షుడికి అత్యంత విశ్వసనీయమైన మిత్రదేశం దిమ్మతిరిగే షాక్ ఇచ్చింది. ఒకవైపు ఇరాన్తో శాంతి చర్చలు విఫలమవగా, మరోవైపు అగ్రరాజ్యం తన మిత్రదేశాలను తన పక్షాన ఉంచుకోవడంలో ఫెయిల్ అవుతుంది. నిజానికి హోర్ముజ్ జలసంధి దిగ్బంధనంపై తాజాగా అగ్రరాజ్యం మిత్రదేశం అయిన బ్రిటన్ స్పందన అధ్యక్షుడు ట్రంప్కు ఆందోళన కలిగిస్తోంది.
READ ALSO: బన్నీ ‘రాకా’లో ఊహించని మలుపు.. అట్లీ మాస్టర్ ప్లాన్ మామూలుగా లేదుగా!
హోర్ముజ్ దిగ్బంధనంలో సహాయపడటానికి బ్రిటన్ యుద్ధనౌకలను పంపుతుందని ట్రంప్ చెప్పారు. అయితే అమెరికా దిగ్బంధనంలో తాము పాల్గొనబోమని పేర్కొంటూ బ్రిటన్ ట్రంప్ వాదనను తిరస్కరించి షాక్ ఇచ్చింది. గతంలో అమెరికా-ఇరాన్ యుద్ధ సమయంలో, ఆ యుద్ధ సంఘర్షణలో తన ప్రమేయం గురించి బ్రిటన్ స్పష్టమైన
వైఖరిని వ్యక్తం చేసింది. ఇరాన్కు వ్యతిరేకంగా జరిగే యుద్ధంలో తాము ట్రంప్కు మద్దతు ఇవ్వబోమని బ్రిటన్ స్పష్టంగా చెప్పింది.
అణ్వాయుధాల సమస్యపై టెహ్రాన్తో శాంతి చర్చలు విఫలమైన కొన్ని గంటల తర్వాత, హోర్ముజ్ జలసంధిలోకి నౌకలు ఎంట్రీ లేదా ఎగ్జిట్ కాకుండా ఆపడానికి అమెరికా నౌకాదళం తక్షణమే దిగ్బంధనాన్ని ప్రారంభిస్తుందని అమెరికా అధ్యక్షుడు డొనాల్డ్ ట్రంప్ ఆదివారం ప్రకటించారు. అంతర్జాతీయ జలాల్లో ఇరాన్కు సుంకాలు చెల్లించిన అన్ని నౌకలను గుర్తించి, వాటిని నిలిపివేయాలని తాను అమెరికా నౌకాదళాన్ని ఆదేశించినట్లు ట్రంప్ ‘ట్రూత్ సోషల్’లో ఒక పోస్ట్లో తెలిపారు.
టోల్ చెల్లించడం చట్టవిరుద్ధం
అక్రమ సుంకం చెల్లించే ఎవరికీ సముద్ర మార్గంలో సురక్షిత ప్రయాణానికి అనుమతి లభించదని ఆయన అన్నారు. ప్రపంచ చమురు సరఫరాలో సుమారు ఐదవ వంతు రవాణా చేయబడే కీలకమైన, ఇరుకైన సముద్ర మార్గమైన హోర్ముజ్ జలసంధి దిగ్బంధనంలో ఇతర దేశాలు కూడా చేరతాయని ఆయన పేర్కొన్నారు. వారికి డబ్బు కావాలని, అంతకంటే ముఖ్యంగా అణ్వాయుధాలు కావాలని ట్రంప్ అన్నారు. “అంతేకాకుండా, మేము పూర్తిగా సన్నద్ధంగా ఉన్నాము, సరైన సమయంలో ఇరాన్లో మిగిలి ఉన్నదానిని కూడా మా సైన్యం పూర్తిగా నాశనం చేస్తుంది” అని ఆయన చెప్పారు. ఇస్లామాబాద్లో ఇరాన్ నాయకులతో జరిపిన చర్చల గురించి ఉపాధ్యక్షుడు జె.డి. వాన్స్, ప్రత్యేక రాయబారి స్టీవ్ విట్కాఫ్, జారెడ్ కుష్నర్ తనకు వివరించారని అమెరికా అధ్యక్షుడు తెలిపారు.
ట్రంప్ మాట్లాడుతూ.. “ఈ సమావేశం బాగా జరిగింది, మేము చాలా అంశాలపై ఒప్పందానికి వచ్చాము, కానీ నిజంగా ముఖ్యమైన అంశం అణు సమస్యలపై ఒక అంగీకారానికి రాలేకపోయాము” అని ట్రంప్ అన్నారు. ఇస్లామాబాద్లో చర్చలకు ఆతిథ్యం ఇవ్వడంలో పాకిస్థాన్ ఫీల్డ్ మార్షల్ అసిమ్ మునీర్, ప్రధానమంత్రి షాబాజ్ షరీఫ్ పోషించిన పాత్రను ఆయన ప్రశంసించారు. సైనిక చర్యలు చేపట్టడం కంటే ఇరాన్ నాయకత్వంతో కుదిరిన ఒప్పందాలు మెరుగైనవని ఆయన అన్నారు. కానీ అటువంటి అస్థిరమైన, ఊహించలేని వ్యక్తులకు అణుశక్తిని అప్పగించడం ముందు ఈ విషయాలన్నీ తక్కువ ప్రాముఖ్యత కలిగినవని ట్రంప్ చెప్పారు. ముగ్గురు అమెరికా ప్రతినిధులు చాలా స్నేహపూర్వకంగా ఉన్నారని, ఇరాన్ ప్రతినిధులైన మహమ్మద్ బఘేర్ ఘాలిబాఫ్, అబ్బాస్ అరాఘ్చీ, అలీ బఘేరీలను గౌరవంగా చూశారని ఆయన అన్నారు.