Uncapped Indian Player Prashant Veer Sold for Rs. 10 Crore to Chennai Super Kings: ఐపీఎల్ 2026 వేలంలో ఊహించని పరిణామం చోటుచేసుకుంది. ఉత్తర ప్రదేశ్కు చెందిన అన్క్యాప్డ్ (జాతీయ జట్టుకు ఆడని) ఆల్ రౌండర్ ప్రశాంత్ వీర్ (Prashant Veer) కోసం ఫ్రాంచైజీలు రికార్డు స్థాయి పోటీని ప్రదర్శించాయి. కేవలం రూ. 30 లక్షల కనీస ధరతో (Base Price) వేలానికి వచ్చిన ఇతని ధర క్షణాల్లోనే రూ. 14 కోట్లు దాటడం నిజంగా ఒక అద్భుతం.
ప్రశాంత్ వీర్ పేరు రాగానే వేలం హాల్లో వాతావరణం వేడెక్కింది. లక్నో సూపర్ జెయింట్స్ (LSG) మొదట బిడ్డింగ్ ప్రారంభించగా, వెంటనే ముంబై ఇండియన్స్ (MI) పోటీకి వచ్చింది.
ముంబై అవుట్ – చెన్నై ఇన్: ధర రూ. 1.20 కోట్లకు చేరగానే ముంబై తప్పుకోగా, చెన్నై సూపర్ కింగ్స్ (CSK) రేసులోకి వచ్చింది.
రాజస్థాన్ ఎంట్రీ: రూ. 4.20 కోట్ల వద్ద లక్నో వెనక్కి తగ్గింది. వెంటనే రాజస్థాన్ రాయల్స్ (RR) చెన్నైతో పోటీపడింది.
హైదరాబాద్ vs చెన్నై: అసలైన పోరు ఇక్కడే మొదలైంది. రూ. 6 కోట్ల వద్ద ఉన్నప్పుడు సన్రైజర్స్ హైదరాబాద్ (SRH) రూ. 6.80 కోట్లతో ఎంట్రీ ఇచ్చింది.
హైదరాబాద్, చెన్నై జట్ల మధ్య హోరాహోరీ పోరు సాగడంతో ధర రూ. 13 కోట్లు దాటింది. ఇది ఒక అన్క్యాప్డ్ ఆటగాడికి ఊహించని మొత్తం. చివరకు చెన్నై సూపర్ కింగ్స్ రూ. 14.20 కోట్లకు దక్కించుకుంది.
ఎవరీ ప్రశాంత్ వీర్?..
ఉత్తర ప్రదేశ్కు చెందిన 20 ఏళ్ల ప్రశాంత్ వీర్ ఒక స్పిన్ బౌలింగ్ ఆల్ రౌండర్. ఎడమ చేతి వాటం బ్యాటింగ్, స్లో లెఫ్ట్-ఆర్మ్ ఆర్థోడాక్స్ బౌలింగ్. ఇటీవల జరిగిన UP T20 లీగ్లో నోయిడా కింగ్స్ తరఫున ఆడుతూ 10 మ్యాచ్లలో 320 పరుగులు, 8 వికెట్లు తీసి ఆకట్టుకున్నాడు.
జడేజా 2.0: ఇతని ఆట తీరు రవీంద్ర జడేజాను పోలి ఉండటంతో ఫ్రాంచైజీలు ఇతనిపై ఇంత ఆసక్తి చూపుతున్నాయి.
ఎందుకింత డిమాండ్?..
దేశవాళీ క్రికెట్ (ముఖ్యంగా సయ్యద్ ముస్తాక్ అలీ ట్రోఫీ)లో నిలకడైన ప్రదర్శన. స్పిన్ బౌలింగ్ చేస్తూనే, లోయర్ ఆర్డర్లో భారీ షాట్లు కొట్టగల సామర్థ్యం ఉండటం. 20 ఏళ్ల వయసున్న యువకుడు కాబట్టి భవిష్యత్తు పెట్టుబడిగా భావించడం.
ఒక సామాన్య యువ క్రికెటర్ కోసం ఐపీఎల్ దిగ్గజ జట్లైన CSK, SRH, MI, LSG పోటీ పడటం అతని ప్రతిభకు నిదర్శనం. రూ. 14.20 కోట్లకు దక్కించుకోవడం గమనార్హం.