మధ్య ఇరాన్లోని మార్కాజీ ప్రావిన్స్లో అమెరికాకు చెందిన ఎఫ్-35 యుద్ధ విమానాన్ని ఇరాన్ సైన్యం కూల్చివేసింది. ఇరాన్లోని ఖతీమ్ అల్-అన్బియా ప్రధాన కార్యాలయం ఈ విషయాన్ని ధృవీకరించింది. అల్-జజీరా కథనం ప్రకారం, విమాన శకలాలను పరిశీలించగా, వాటిపై బ్రిటన్కు చెందిన లేకెన్హీత్ వైమానిక స్థావరానికి చెందిన గుర్తులు కనిపించాయి. ఇది బ్రిటన్లోని అమెరికా వైమానిక దళానికి ఒక కీలకమైన వైమానిక స్థావరం. ప్రస్తుతం, విమానం పైలట్, దాని కర్తవ్యం గురించి ఎటువంటి అధికారిక సమాచారం విడుదల కాలేదు.
అంతకుముందు, మార్చి 19న, ఒక అమెరికన్ F-35A యుద్ధ విమానాన్ని కూల్చివేసినట్లు ఇరాన్ ప్రకటించింది. వారు ఈ ఘటనకు సంబంధించిన ఒక వీడియోను కూడా విడుదల చేశారు. ఆ వీడియోలో విమానంపై దాడి జరుగుతున్నట్లు దృశ్యాలు స్పష్టంగా కనిపించాయి. కానీ అది కూలిపోయినట్లు నిర్ధారించలేదు. కొన్ని మీడియా కథనాల ప్రకారం, విమానం దెబ్బతింది. పైలట్కు స్వల్ప గాయాలయ్యాయి, కానీ అతని పరిస్థితి నిలకడగా ఉంది. పైలట్ ప్రాణాలతో బయటపడ్డాడు. విమానం కూలిపోలేదు. ఆ తర్వాత అది మధ్యప్రాచ్యంలోని ఒక అమెరికా వైమానిక స్థావరంలో విజయవంతంగా అత్యవసరంగా ల్యాండ్ అయింది.
ఇదిలావుంటే CNN మీడియా ఇరాన్కు సంబంధించి సంచలన విషయాలను బయటపెట్టింది. ఇరాన్ క్షిపణి ప్రయోగ సామర్థ్యంలో దాదాపు సగం, వేలాది డ్రోన్లు ఇప్పటికీ పనిచేస్తూనే ఉన్నాయని పేర్కొంది. ఇవి మొత్తం ప్రాంతానికి భారీ ముప్పును కలిగిస్తున్నాయి. అమెరికా ప్రభుత్వ మాటలకు, క్షేత్రస్థాయి వాస్తవానికి మధ్య గణనీయమైన అంతరం ఉందని ఒక కథనంలో వెల్లడిస్తోంది. ఇరాన్ క్షిపణి ప్రయోగ వాహనాల్లో దాదాపు సగం ఇప్పటికీ చెక్కుచెదరకుండా ఉన్నాయి. దీనికి అదనంగా, దాని డ్రోన్లలో సుమారు 50% సేవలో కొనసాగుతున్నాయి. అమెరికా, ఇజ్రాయెల్ దాడులు ఇరాన్ సైనిక బలాన్ని కొంతవరకు బలహీనపరిచినప్పటికీ, అనేక క్షిపణులు, ప్రయోగ వాహనాలు, తీరప్రాంత క్రూయిజ్ క్షిపణులు చెక్కుచెదరకుండా ఉన్నాయి. ఈ క్షిపణులు, ముఖ్యంగా హోర్ముజ్ జలసంధిలోని నౌకలకు ముప్పును కలిగిస్తున్నాయి CNN మీడియా పేర్కొంది.
వీడియో ఇక్కడ చూడండి..
Another enemy F-35 hit and downed by our #indigenous defence systems.
Iran is a force to be reckoned with.#Iran#F35#War pic.twitter.com/q1DhkTXrm3
— Consulate General of the I.R. Iran in Mumbai (@IRANinMumbai) April 3, 2026
మరిన్ని అంతర్జాతీయ వార్తల కోసం ఇక్కడ క్లిక్ చేయండి..