అమెరికాకు దెబ్బమీద దెబ్బ.. అత్యాధునిక ఫైటర్ జెట్ F15 కూలిన కొన్ని గంటల్లోనే మరో హెలికాప్టర్ ను కోల్పోయింది. దక్షిణ ఇరాన్ లో ఐఆర్ జీసీ కూల్చివేసిన అమెరికన్ ఫైటర జెట్ F15 పైలట్ కోసం సెర్చింగ్ చేస్తున్న అమెరికాకు చెందిన మరో హెలికాప్టర్ పై క్షిపణి దాడి జరిగినట్లు ఇరాన్ మీడియా తెలిపింది.
వాల్ స్ట్రీట్ జర్నల్ ,CNNతో సహా పలు వార్తా సంస్థల కథనాల ప్రకారం..దక్షిణ ఇరాన్ లో ఐఆర్ జీసీ కూల్చివేసిన అమెరికా యుద్ధ విమానం కోసం అమెరికా దళాలు గాలింపు ,సహాయక చర్యలను ప్రారంభించాయి. F15పాటు సెర్చింగ్ హెలికాప్టర్ కూడా కూల్చివేసినట్లు ఇరాన్ ప్రభుత్వ మీడియా వాదనలను అమెరికా వర్గాలు ధృవీకరించాయి. శుక్రవారం F15 ఫైటర్ జెట్ పై ఐఆర్ జీసీ దాడి చేసినట్లు, ఇద్దరు అమెరికన్ పైలట్ల కోసం గాలిస్తున్న ప్రాంతాన్ని సూచించే ఇరాన్ ప్రసార సంస్థ IRIB మ్యాప్ను కూడా పంచుకుంది.
ఇరాన్ తో యుద్దంలో అగ్రరాజ్యం అమెరికాకు వరుస ఎదురుదెబ్బలు తగులుతున్నాయి. దక్షిణ ఇరాన్లో అత్యాధునిక F-15 ఫైటర్ జెట్ను కోల్పోయిన కొన్ని గంటల్లోనే అమెరికాకు మరో భారీ షాక్ తగిలింది. కూలిపోయిన విమానంలోని పైలట్ల కోసం గాలింపు చర్యలు చేపడుతున్న అమెరికాకు చెందిన సహాయక హెలికాప్టర్ను కూడా ఇరాన్ దళాలు కూల్చివేశాయి.
రెస్క్యూ ఆపరేషన్పై క్షిపణి దాడి!
దక్షిణ ఇరాన్ గగనతలంలో ఇస్లామిక్ రివల్యూషన్ గార్డ్స్ కార్ప్స్ (IRGC) దాడుల్లో అమెరికా F-15 విమానం కూలిపోయిన విషయం తెలిసిందే. అయితే విమానం కూలిపోవడానికి ముందే అందులోని పైలట్లు ఎజెక్ట్ అయి సురక్షితంగా భూమి మీదకు చేరుకున్నారు. వారిని ఇరాన్ సైన్యం కంటపడక ముందే రక్షించేందుకు అమెరికా దళాలు ‘సెర్చ్ అండ్ రెస్క్యూ’ ఆపరేషన్ ప్రారంభించాయి. ఈ గాలింపు చర్యల్లో పాల్గొన్న ఒక అమెరికన్ హెలికాప్టర్ను లక్ష్యంగా చేసుకుని ఇరాన్ దళాలు క్షిపణి (ప్రొజెక్టైల్) దాడి చేశాయి. దీంతో ఆ హెలికాప్టర్ కూడా నేలకూలినట్లు ఇరాన్ మీడియా వెల్లడించింది.
►ALSO READ | అమెరికా పైలెట్ ను ఇరాన్ పట్టుకుందా..? : ఇదే నిజమైతే అతన్ని ఏం చేయబోతున్నారు..?
నిజమేనని ధృవీకరించిన అమెరికా మీడియా..
ఇరాన్ ప్రభుత్వ మీడియా చేస్తున్న ఈ వాదనలు కేవలం పుకార్లు కావు. ‘వాల్ స్ట్రీట్ జర్నల్’, ‘సీఎన్ఎన్’ (CNN) సహా పలు ప్రముఖ పాశ్చాత్య వార్తా సంస్థల కథనాల ప్రకారం.. ఇరాన్ దాడుల్లో తమ ఫైటర్ జెట్తో పాటు, సెర్చింగ్ కోసం వెళ్లిన హెలికాప్టర్ కూడా కూలిపోయిన మాట వాస్తవమేనని అమెరికా అధికార వర్గాలు సైతం ధృవీకరించాయి.
ఉత్కంఠ రేపుతున్న IRIB మ్యాప్..
శుక్రవారం నాడు F-15 ఫైటర్ జెట్పై IRGC దాడి చేసిన విషయాన్ని ప్రముఖంగా ప్రసారం చేసిన ఇరాన్ అధికారిక బ్రాడ్కాస్టర్ ‘IRIB’.. మరో సంచలన విషయాన్ని బయటపెట్టింది. తప్పించుకున్న ఇద్దరు అమెరికన్ పైలట్ల కోసం అమెరికా దళాలు గాలిస్తున్న ప్రాంతాన్ని స్పష్టంగా సూచించే ఒక మ్యాప్ను కూడా IRIB పంచుకుంది. ఈ పరిణామంతో అమెరికా పైలట్లు ఏ క్షణమైనా ఇరాన్ సైన్యానికి బందీలుగా చిక్కే ప్రమాదం ఉందన్న ఆందోళనలు వ్యక్తమవుతున్నాయి.
గంటల వ్యవధిలోనే అమెరికాకు చెందిన రెండు అత్యున్నత వైమానిక ఆయుధాలు ఇరాన్ గడ్డపై రాలిపోవడం ప్రపంచవ్యాప్తంగా కలకలం రేపుతోంది.