జనవరి 15, 2026 ఆర్మీ డే (సైనిక దినోత్సవం) సందర్భంగా ప్రధాని నరేంద్ర మోదీ భారత సైన్యంపై ప్రశంసల వర్షం కురిపించారు. దేశ రక్షణలో మన సైనికుల అసమాన ధైర్యసాహసాలను, త్యాగాలను ఆయన కొనియాడారు. 78వ సైనిక దినోత్సవాన్ని పురస్కరించుకుని, విధి నిర్వహణలో ప్రాణాలను అర్పించిన వారికి ప్రధానమంత్రి నివాళులు అర్పించారు. భారత సైనికులు నిస్వార్థ సేవకు మరియు అచంచలమైన దేశభక్తికి నిదర్శనమని మోదీ పేర్కొన్నారు. “మన సైనికులు అత్యంత కఠినమైన పరిస్థితుల్లో కూడా మొక్కవోని దీక్షతో సరిహద్దులను కాపాడుతున్నారు” అని ఆయన ప్రశంసించారు. సైన్యం పట్ల ప్రతి భారతీయుడికి అపారమైన గౌరవం మరియు నమ్మకం ఉందని ఆయన అన్నారు. మన సైనికుల అంకితభావం వల్లే దేశం సురక్షితంగా ఉందని, వారి ధైర్యం దేశం మొత్తానికి స్ఫూర్తినిస్తుందని తెలిపారు.భారత సైన్యాన్ని మరింత శక్తివంతంగా మార్చేందుకు ప్రభుత్వం కట్టుబడి ఉందని ప్రధాని పునరుద్ఘాటించారు.వారి విధి భావన దేశవ్యాప్తంగా విశ్వాసం మరియు కృతజ్ఞతను ప్రేరేపిస్తుందని ప్రధాని మోదీ Xలో ఒక పోస్ట్లో పేర్కొన్నారు.