గత వారం రోజులుగా బాక్సాఫీస్ వద్ద ఏకఛత్రాధిపత్యం వహించిన రణవీర్ సింగ్ ‘ధురందర్2’ వసూళ్లు ఇప్పుడు నెమ్మదించాయి. తెలుగు రాష్ట్రాల్లో హిందీ, తెలుగు వెర్షన్లలో భారీ ఓపెనింగ్స్ రాబట్టిన ఈ చిత్రం, రెండో వారంలోకి ప్రవేశించే సరికి స్క్రీన్లను ఖాళీ చేస్తోంది. సరిగ్గా ఇదే సమయం మన తెలుగు చిత్రాలైన ‘బైకర్’, ‘రాక్షస’లకు వరంగా మారింది. థియేటర్ల కౌంట్ పెరగడమే కాకుండా, ప్రేక్షకుల దృష్టి కూడా ఇప్పుడు ఈ కొత్త సినిమాలపైనే ఉంది.
‘బైకర్’,‘రాక్షస’ చిత్రాలు ఇప్పటికే విడుదలైన టీజర్లు, ట్రైలర్లతో ఆడియన్స్లో మంచి క్యూరియాసిటీని పెంచగా, ముఖ్యంగా యూత్ ‘బైకర్’ కోసం ఎదురుచూస్తుంటే, మాస్ ఆడియన్స్ ‘రాక్షస’పై అంచనాలు పెట్టుకున్నారు. అయితే, ఈ సినిమాల భవితవ్యం రేపు రాబోయే ‘మౌత్ టాక్’ పైనే ఆధారపడి ఉంటుంది. కంటెంట్ గనుక క్లిక్ అయితే, సమ్మర్ సీజన్ ఆరంభంలో ఈ సినిమాలు బాక్సాఫీస్ వద్ద కాసుల వర్షం కురిపించడం ఖాయం. మొత్తానికి ‘బైకర్’, ‘రాక్షస’ చిత్రాలకు బాక్సాఫీస్ బరిలో లైన్ క్లియర్ అయిపోయింది. మరి ఈ సినిమాలు ఆడియన్స్ను ఎంతవరకు మెప్పిస్తాయో చూడాలి.