తెలుగు సినీ ఇండస్ట్రీలో ఈ వారం ఒకే రోజున (ఏప్రిల్ 3) రెండు వైవిధ్యమైన చిత్రాలు విడుదల కాబోతున్నాయి. ఒకటి ఫాంటసీ కామెడీ జోనర్లో వస్తున్న ‘రాకాస’ కాగా, మరొకటి బైక్ రేసింగ్ నేపథ్యంతో సాగే ‘బైకర్’. ఈ రెండు చిత్రాల యూనిట్ తమ సినిమాల విజయంపై గట్టి నమ్మకంతో ఉన్నారు. అందుకే సినిమా విడుదల కంటే ఒక రోజు ముందే, అంటే ఏప్రిల్ 2, 2026 సాయంత్రం నుండే ఆంధ్రప్రదేశ్, తెలంగాణలోని ప్రధాన నగరాల్లో స్పెషల్ పెయిడ్ ప్రీమియర్ షోలను ప్లాన్ చేశారు.
Also Read : Sara Ali Khan: వ్యాపారంలో తండ్రినే మించిపోయిన సారా అలీ ఖాన్.. నెల సంపాదన ఎంతో తెలుసా?
సంగీత్ శోభన్, నయన్ సారిక జంటగా నటించిన ఈ చిత్రాన్ని నిహారిక కొణిదెల నిర్మించారు. మానస శర్మ దర్శకత్వంలో తెరకెక్కిన ఈ సినిమాలో వెన్నెల కిషోర్, బ్రహ్మాజీ, గెటప్ శ్రీనుల కామెడీ హైలైట్గా ఉండబోతోందని సమాచారం. ఒక ఫాంటసీ ఎలిమెంట్ను కామెడీతో మిక్స్ చేసి కొత్తగా ట్రై చేశారు. ప్రీమియర్ షోల ద్వారా పాజిటివ్ టాక్ వస్తే, ఈ సినిమా వీకెండ్లో భారీ వసూళ్లు రాబట్టడం ఖాయం.
మరోవైపు శర్వానంద్ హీరోగా అభిలాష్ రెడ్డి దర్శకత్వంలో వస్తున్న ‘బైకర్’పై కూడా భారీ అంచనాలు ఉన్నాయి. బైక్ రేసింగ్తో పాటు ఫ్యామిలీ ఎమోషన్స్ కలగలిసిన ఈ చిత్రానికి ఇప్పటికే యూత్ నుండి మంచి రెస్పాన్స్ వస్తోంది. ఏప్రిల్ 1 నుండే టికెట్ బుకింగ్స్ ప్రారంభం కాగా, ఏప్రిల్ 2 సాయంత్రం వేయబోయే ప్రీమియర్స్ కోసం ఫ్యాన్స్ ఆసక్తిగా ఎదురుచూస్తున్నారు. రణవీర్ సింగ్ ‘ధురందర్’ జోరు తగ్గుతున్న తరుణంలో, ఈ రెండు తెలుగు సినిమాలు బాక్సాఫీస్ వద్ద లైన్ క్లియర్ చేసుకున్నాయి.