ఐపీఎల్ ఫీవర్ మొదలైంది. ఇప్పటికే నాలుగు మ్యాచ్లు కూడా అయిపోయాయి. ఐపీఎల్ టికెట్ల కోసం అభిమానులు ఆత్రంగా ఎదురుచూస్తున్నారు. డిస్ట్రిక్ట్ యాప్లో ఐపీఎల్ టికెట్లు అందుబాటులో ఉంచిన నిమిషాల వ్యవధిలోనే సేల్ అయిపోతున్నాయి. ఈ క్రమంలో.. ఐపీఎల్ టికెట్లు ఫ్రీగా ఇస్తామని ఏకంగా బెంగళూరు సిటీ పోలీస్ ‘ఎక్స్’లో పోస్ట్ కనిపిస్తే అభిమానులు ఊరుకుంటారా..? బెంగళూరు సిటీ పోలీస్ ఈ లింక్ క్లిక్ చేస్తే రెండు టికెట్లు ఫ్రీగా ఇస్తామని పోస్ట్ పెడితే అభిమానులు ఆగుతారా..? అస్సలు ఆగరు. ఈ లింక్పై క్లిక్ చేసిన అభిమానులందరినీ బెంగళూరు సిటీ పోలీసులు ఏప్రిల్ 1 సాక్షిగా ఫూల్స్ను చేశారు.
GRAB YOUR TICKETS NOW!!
Click the link below:https://t.co/sQ9x432iSd #ipl2026 #BCP #April pic.twitter.com/FhQ8BWn09E— ಬೆಂಗಳೂರು ನಗರ ಪೊಲೀಸ್ BengaluruCityPolice (@BlrCityPolice) April 1, 2026
మీపైన ప్రాంక్ చేశామని.. ఇది పూర్తిగా సేఫ్ లింక్ అని.. ఎలాంటి మాల్వేర్ లేదని.. కంగారుపడొద్దని ఈ లింక్ చేసిన అభిమానులకు కనిపించింది. ఫూల్స్ అయిన అభిమానులు వాళ్లలో వాళ్లే నవ్వేసుకుని.. ఫ్రెండ్స్ చేతిలో తప్పించుకున్నా పోలీసులు తమను ఫూల్స్ చేశారని ఈ పోస్ట్ కింద కామెంట్ చేశారు.
బెంగళూరులో ఏప్రిల్ 5న (ఆదివారం) ఆర్సీబీ వర్సెస్ సీఎస్కే మ్యాచ్ జరగనుంది. ఇప్పటికే ఈ మ్యాచ్ టికెట్లు సేల్ అయిపోయాయి. ఏప్రిల్ 1 వచ్చిందంటే చాలు.. ఫ్రెండ్స్, కొలీగ్స్ ను ఫూల్స్ చేయడానికి ప్రయత్నిస్తుంటారు. ఒకరిపై మరొకరు ప్రాంక్స్ చేస్తూ ఆ రోజును సరదాగా ఆస్వాదిస్తుంటారు. కానీ.. పబ్లిక్ పై ఇలా ప్రాంక్ చేయడం మాత్రం బెంగళూరు పోలీసులకే చెల్లిందని నెటిజన్లు సెటైర్లు వేస్తున్నారు.