మన ఇంట్లో ప్రతిరోజూ వాడే పదార్థాల్లో పల్లీలు (వేరుశెనగలు) ఒకటి. చట్నీలు, స్వీట్లు, కారప్పొడులు ఇలా దేనిలో వేసినా వీటి రుచే వేరు. అయితే చాలామంది పల్లీలు తింటే కొలెస్ట్రాల్ పెరిగిపోతుందని భయపడుతుంటారు. కానీ ఇది కేవలం ఒక అపోహ మాత్రమేనని వైద్యులు చెబుతున్నారు. పల్లీలను సరైన పద్ధతిలో తింటే అవి మన శరీరంలో చెడు కొలెస్ట్రాల్ను తగ్గించి, గుండెను ఎంతో పదిలంగా ఉంచుతాయి. ఆ మ్యాజిక్ ఏంటో, పల్లీల వల్ల కలిగే అసలు లాభాలేంటో ఇప్పుడు చాలా సింపుల్గా తెలుసుకుందాం.
పల్లీల్లో ఉండేవి.. మంచి కొవ్వులే: వేరుశెనగల్లో కొవ్వులు ఉన్న మాట నిజమే కానీ, అవి మన శరీరానికి ఎంతో మేలు చేసే మంచి కొవ్వులు. ఇక వీటిలో ఉండే ప్రత్యేకమైన ఫ్యాట్స్ రక్తంలో పేరుకుపోయే చెడు కొలెస్ట్రాల్ను తగ్గించి, మంచి కొలెస్ట్రాల్ను పెంచడానికి ఎంతగానో సహాయపడతాయి.
గుండెకు రక్షణ.. రక్తనాళాలు క్లీన్: పల్లీలలో ఉండే కొన్ని ప్రత్యేకమైన యాంటీ ఆక్సిడెంట్లు మన రక్తనాళాలను ఎంతో ఆరోగ్యంగా ఉంచుతాయి. ఇక ఇవి రక్తం గడ్డకట్టకుండా, సాఫీగా ప్రవహించేలా చేస్తాయి. ఆలివ్ ఆయిల్లో ఉండే లాంటి మంచి గుణాలే ఈ పల్లీలలో కూడా ఉండటం విశేషం.
పోషకాల గని.. బీపీ కంట్రోల్: పల్లీలలో మెగ్నీషియం, పొటాషియం వంటి ఖనిజాలు పుష్కలంగా ఉంటాయి. ఇవి మన రక్తపోటును (బీపీ) అదుపులో ఉంచడానికి ఎంతగానో తోడ్పడతాయి. అంతేకాదు, పల్లీల పైన ఉండే ఎర్రటి పొట్టులో కూడా ఎన్నో మంచి పోషకాలు ఉంటాయి. ఇక అందుకే పొట్టు తీయకుండా తినడమే చాలా మంచిది.
ఎలా తింటున్నాం అనేదే.. అసలు పాయింట్: పల్లీలు మంచివే కదా అని వాటిని నూనెలో వేయించి లేదా ఎక్కువ ఉప్పు వేసి తింటే మాత్రం లేనిపోని అనారోగ్య సమస్యలు వస్తాయి. అలా కాకుండా పల్లీలను నీళ్ళలో ఉడికించి లేదా లైట్గా వేయించుకుని తింటేనే పూర్తి ఆరోగ్యం మన సొంతమవుతుంది.
చూశారుగా! పల్లీలు తింటే కొలెస్ట్రాల్ పెరుగుతుందనేది ఎంత పెద్ద అపోహో. రోజుకు ఒక గుప్పెడు (సుమారు 30 గ్రాములు) పల్లీలను మితంగా తింటే అటు బరువు అదుపులో ఉంటుంది, ఇటు గుండె కూడా ఎంతో పదిలంగా ఉంటుంది.
గమనిక: పల్లీలు ఆరోగ్యానికి చాలా మంచివి. అయితే కొందరికి పల్లీలు పడవు (అలెర్జీ ఉంటుంది). అలాంటి వారు వీటికి దూరంగా ఉండాలి. అలాగే ఏదైనా తీవ్రమైన గుండె జబ్బులు ఉన్నవారు వీటిని తినే ముందు తమ డాక్టర్ సలహా తీసుకోవడం మంచిది.
The post పీనట్స్ హెల్త్ సీక్రెట్.. కొలెస్ట్రాల్పై అసలు ప్రభావం ఇదే! appeared first on Manalokam – Latest Telugu News & Updates.