తమిళనాడులోని కోయంబత్తూరులో ఒక సంఘటన జరిగింది. ఆఫీసులో మహిళా ఉద్యోగులు ఎదుర్కొనే ఇబ్బందులను కళ్లకు కట్టింది. ఆఫీసులో ఒక ఉద్యోగిని సిస్టమ్ ముందు కూర్చుని పని చేసుకుంటుండగా.. తోటి మగ ఉద్యోగి ఏదో ప్రశ్న అడగడానికి వచ్చినట్లు ఆమె దగ్గరకు వెళ్లి పెదవులపై ముద్దు పెట్టే ప్రయత్నం చేశాడు. ఆ మహిళ అతని చేష్టతో నిశ్చేష్టురాలై.. అక్కడి నుంచి పక్కకి వెళ్లిపోయింది. ఆపై అతనిని వారించడం కూడా వీడియో చూడవచ్చు. అతగాడి వేధింపులు అక్కడే ఉన్న సీసీ టీవీలో రికార్డు అయ్యాయి. దీంతో ఆ విజువల్స్ సోషల్ మీడియాలో వైరల్ అవుతోంది. ఈ ఘటన వర్క్ ప్లేసుల్లో మహిళలు ఎదుర్కొనే ఇబ్బందులకు ఓ సాక్ష్యంలా నిలిచింది.