మెదక్ జిల్లా శివ్వంపేటలో ఘోర ప్రమాదం జరిగింది. చేతిలో బ్యాటరీ పేలడంతో బాలుడి చేతి వేళ్లు తెగిపడ్డాయి. శివ్వంపేటకు చెందిన బాలుడు శివతేజ, ఒక బర్త్డే ఫంక్షన్కు హాజరయ్యాడు. అక్కడ ఆడుకుంటున్న సమయంలో సాధారణంగా ఫ్రీ ఫైర్ వంటి బొమ్మలకు లేదా ఎలక్ట్రానిక్ వస్తువులకు వాడే 9-వోల్ట్ (9V) బ్యాటరీ ఒక్కసారిగా పేలిపోయింది.
ఈ పేలుడు ధాటికి బాలుడి ఎడమ చేతి వేళ్లు తెగిపడిపోయాయి. రక్తమోడుతున్న బాలుడిని చూసి అక్కడున్న వారు ఒక్కసారిగా షాక్కు గురయ్యారు. తీవ్రంగా గాయపడిన శివతేజను వెంటనే చికిత్స నిమిత్తం ఆసుపత్రికి తరలించారు.
పిల్లలు ఆడుకునే వస్తువుల విషయంలో ముఖ్యంగా ఇలాంటి బ్యాటరీల విషయంలో అప్రమత్తంగా ఉండాలి. చిన్న చిన్న బ్యాటరీలే కదా అని నిర్లక్ష్యం చేస్తే అవి ప్రాణాపాయంగా లేదా ఇలాంటి అంగవైకల్యానికి దారితీసే ప్రమాదం ఉంది.