కోల్బెల్ట్, వెలుగు: కోట్లాది ప్రజల ఆకాంక్షలను గౌరవించి సోనియా గాంధీ ప్రత్యేక తెలంగాణ ఇస్తే బీజేపీ విషం కక్కుతోందని మంచిర్యాల డీసీసీ ప్రెసిడెంట్పిన్నింటి రఘునాథ్రెడ్డి మండిపడ్డారు. శనివారం క్యాతనపల్లిలో బీజేపీ ఎంపీ తేజస్వీ సూర్య దిష్టిబొమ్మను కాంగ్రెస్నాయకులు దహనం చేశారు. ఈ సందర్భంగా రఘునాథ్రెడ్డి మాట్లాడుతూ.. తెలంగాణను కించపర్చేలా మాట్లాడిన ఎంపీ తేజస్వీ సూర్యతోపాటు బీజేపీ తెలంగాణ ఎంపీలు, ఎమ్మెల్యేలు క్షమాపణ చెప్పించాలని డిమాండ్ చేశారు.
తెలంగాణ ప్రజల మనోభావాలను దెబ్బతీసే విధంగా మాట్లాడిన ఎంపీ సభ్యత్వాన్ని రద్దు చేయాలన్నారు. తెలంగాణకు వ్యతిరేకంగా ఎవరు మాట్లాడినా సహించబోమని హెచ్చరించారు. దిష్టిబొమ్మ దహనం చేశారు. క్యాతనపల్లి టౌన్ కాంగ్రెస్ ప్రెసిడెంట్పల్లె రాజు, బ్లాక్ కాంగ్రెస్ ప్రెసిడెంట్రాజయ్య, జిల్లా సెక్రటరీ బానేశ్, కౌన్సిలర్లు, నేతలు పాల్గొన్నారు.