కొండగట్టులో భక్తుల రద్దీ… అంజన్న దర్శనానికి భారీ క్యూ లైన్లు

జగిత్యాల జిల్లా కొండగట్టు అంజన్న సన్నిధిలో  భక్తుల రద్దీ నెలకొంది. సమ్మక్క సారక్క జాతర సమీపిస్తుండటం..వరుస సెలవులతో  భారీగా అంజన్న దర్శనానికి పోటెత్తారు. అంజన్నను దర్శించుకుని మొక్కులు చెల్లించుకుంటున్నారు భక్తులు . ఈ సందర్భంగా వాహనాలు ఎక్కువ సంఖ్యలో రావడంతో వై జంక్షన్ వద్ద భారీగా ట్రాఫిక్ జాం ట్రాఫిక్ జామ్‌‌‌‌‌‌‌‌ అయింది. 

ALSO READ : శ్రీవారి దర్శనానికి 2 రోజులు..

కొండగట్టు అంజన్న దర్శనానికి రెండుగంటలకు పైగా సమయం పడుతుంది.  భక్తులకు ఎలాంటి ఇబ్బందులు కలగకుండా ఆలయ అధికారులు  అన్ని ఏర్పాట్లు చేశారు.  శనివారం ( డిసెంబర్​ 27)  కావడంతో వేకువ జామునుంచే వేలాదిగా భక్తులు తరలివచ్చి స్వామి వారిని దర్శించుకున్నారు. ఆలయంలో అభిషేకాలు నిర్వహించారు. సుదూర ప్రాంతాల నుంచి వచ్చిన భక్తులు కోనేరులో పుణ్యస్నానాలు ఆచరించి స్వామివారిని దర్శించుకున్నారు. భక్తుల తాకిడితో ఆలయ పరిసరాలు, ఉపాలయాలు సందడిగా మారాయి.