బాహుబలి, ఆర్ఆర్ఆర్ వంటి చిత్రాలతో ఎస్.ఎస్. రాజమౌళి భారతీయ సినిమా విజువల్ ప్రమాణాలను అమాంతం పెంచారు. ఆయన నిర్దేశించిన అత్యున్నత విజువల్స్, మేకింగ్ నాణ్యత పౌరాణిక, చారిత్రక చిత్రాలు తీసే దర్శకులకు అతి పెద్ద సవాలుగా పరిణమించాయి. కథ ఎంత బలంగా ఉన్నా, రాజమౌళి స్థాయి విజువల్స్ లేకపోతే ప్రేక్షకులు ఆమోదించని పరిస్థితి నెలకొంది. ఈ నేపథ్యంలో, రాజమౌళి రూపొందిస్తున్న వారణాసి కంటే ముందే రామాయణ పార్ట్ వన్ రావడం ఆ చిత్రానికి ఒక అడ్వాంటేజ్గా చర్చ జరుగుతోంది. వారణాసిలో మహేష్ బాబు రాముడి పాత్రలో నటిస్తున్నారు. ఈ చిత్రం విడుదలైనప్పుడు రామాయణతో పోలికలు అనివార్యమని పరిశ్రమ వర్గాలు భావిస్తున్నాయి. పౌరాణిక చిత్రాలకు కేవలం కథ, భావోద్వేగాలు మాత్రమే కాకుండా, రాజమౌళి తరహా గ్రాండియర్ అవసరమని ప్రేక్షకులు ఇప్పుడు స్పష్టంగా కోరుకుంటున్నారు.
మరిన్ని వీడియోల కోసం :