ఇన్స్టాగ్రామ్లో రీల్స్ చూసేవాళ్లకు కొత్త అప్డేట్ వచ్చింది. సాధారణంగా సోషల్ మీడియాలో ఏదైనా వీడియో లేదా రీల్ చూస్తున్నప్పుడు సిగ్నల్ సరిగా లేకపోతే అది లోడ్ అవుతూ ఉంటుంది. ఎక్కువసేపు లోడింగ్లో ఉంటే చాలా చిరాకుగా అనిపిస్తుంటుంది. అయితే ఈ ప్రాబ్లమ్కు త్వరలోనే సొల్యూషన్ తీసుకురానుంది మెటా కంపెనీ. దీంతో ఆఫ్లైన్లో కూడా రీల్స్ చూసుకోవచ్చట. ప్రస్తుతం టెస్టింగ్ దశలో ఉన్న ఈ ఫీచర్ త్వరలోనే యూజర్లకు అందుబాటులోకి రానుంది. ఇన్స్టాగ్రామ్ ఇప్పుడు ఆటోమెటిక్ డౌన్లోడ్ సిస్టమ్పై పనిచేస్తోంది.
ఇది మీ ఆసక్తికి తగ్గట్టుగా కొన్ని రీల్స్ను ముందే డౌన్లోడ్ చేసి ఉంచుతుంది. దీంతో డేటా లేనప్పుడు కూడా వాటిని మీరు చూడొచ్చు. ఈ కొత్త అప్డేట్లో యూజర్లకు కంప్లీట్ కంట్రోల్ ఇచ్చేలా ఆప్షన్లను ఇన్స్టాగ్రామ్ డిజైన్ చేసింది. అలాగే వైఫై ఆన్లో ఉన్నప్పుడు రీల్స్ను ఆటోమెటిక్గా సేవ్ చేసే ఆప్షన్ ఉంటుంది.
అయితే ఇలా ఆటోమెటిక్ డౌన్లోడ్స్ వల్ల స్టోరేజీ నిండిపోతుంది అనిపించొచ్చు. అలాంటి భయం అక్కర్లేదు. ఎన్ని వీడియోలు డౌన్లోడ్ చేయాలనేది ముందుగానే సెట్ చేసుకోవచ్చు. ఇప్పటికే యూట్యూబ్, నెట్ఫ్లిక్స్లో ఇలాంటి స్మార్ట్ డౌన్ లోడ్స్ ఫీచర్స్ వాడుతున్నారు. ఇది కూడా అలాంటిదే. దీని గురించి ప్రస్తుతానికైతే అఫీషియల్ అనౌన్స్మెంట్ రాలేదు.