Richest Indian Cricketer: ప్రపంచ క్రికెట్లో అత్యంత ప్రభావవంతమైన క్రీడాకారులుగా గుర్తింపు పొందిన ఎంఎస్ ధోని, విరాట్ కోహ్లీ, రోహిత్ శర్మ.. అటు ఆటతోనే కాదు.. సంపాదనలోనూ తగ్గేదేలే అంటుంటారు. కాగా ఈ ముగ్గురు ఆటగాళ్లు కేవలం ఆట ద్వారానే కాకుండా వ్యాపారాలు, ప్రకటనల ద్వారా భారీగా ఆర్జిస్తున్నారు. తాజా గణాంకాల ప్రకారం, వీరి ఆస్తుల విలువ గత ఏడాదితో పోలిస్తే గణనీయంగా పెరిగింది. ముఖ్యంగా ఐపీఎల్ ఒప్పందాలు, బీసీసీఐ కాంట్రాక్టులు, సొంత బ్రాండ్ల ద్వారా వీరు కోట్లాది రూపాయల ఆదాయాన్ని గడిస్తున్నారు.
మహేంద్ర సింగ్ ధోనీ: రిటైర్మెంట్ తర్వాత కూడా తగ్గని జోరు
భారత మాజీ సారథి ఎంఎస్ ధోనీ అంతర్జాతీయ క్రికెట్ నుంచి వైదొలిగినప్పటికీ, ఆయన ఆదాయం ఏమాత్రం తగ్గలేదు. 2026 నాటికి ధోనీ నికర ఆస్తుల విలువ సుమారు 1,060 కోట్ల రూపాయల నుంచి 1,200 కోట్ల రూపాయల వరకు ఉంటుందని అంచనా. చెన్నై సూపర్ కింగ్స్ జట్టుతో ఉన్న అనుబంధం, హోటల్ రంగం, ఫిట్నెస్ సెంటర్లు, వ్యవసాయ అనుబంధ వ్యాపారాల ద్వారా ఆయన సంపద నిరంతరం పెరుగుతోంది. పాత కాలపు దిగ్గజాల జాబితాలో సచిన్ టెండూల్కర్ తర్వాత ధోనీ అత్యంత ధనవంతుడిగా నిలిచాడు.
విరాట్ కోహ్లీ: బ్రాండ్ల రారాజు, వ్యాపార వేత్త
ఆధునిక క్రికెట్ దిగ్గజం విరాట్ కోహ్లీ సంపాదనలో ధోనీకి గట్టి పోటీ ఇస్తున్నాడు. కోహ్లీ నికర ఆస్తుల విలువ దాదాపు 1,040 కోట్ల రూపాయల నుంచి 1,154 కోట్ల రూపాయల మధ్య ఉంది. ప్రపంచవ్యాప్తంగా అత్యధిక బ్రాండ్ విలువ కలిగిన క్రీడాకారుల్లో కోహ్లీ ఒకరు. ఐపీఎల్ వేతనం, ప్రకటనలు, ‘వన్8’ వంటి సొంత బ్రాండ్ల ద్వారా ఆయన భారీగా సంపాదిస్తున్నారు. సోషల్ మీడియాలో ఒక్కో పోస్ట్కు ఆయన కోట్లాది రూపాయల వసూలు చేయడం విశేషం.
రోహిత్ శర్మ: హిట్ మ్యాన్ సంపద ఎంత?
రోహిత్ శర్మ కూడా సంపాదనలో వెనకడుగు వేయడం లేదు. అయితే, ధోనీ, కోహ్లీతో పోలిస్తే ఆయన ఆస్తులు కొంత తక్కువగానే ఉన్నాయి. రోహిత్ నికర ఆస్తుల విలువ సుమారు 214 కోట్ల రూపాయల నుంచి 230 కోట్ల రూపాయల వరకు ఉంది. బీసీసీఐ కాంట్రాక్ట్, ముంబై ఇండియన్స్ జట్టు వేతనం, దాదాపు 25 బ్రాండ్లకు అంబాసిడర్గా వ్యవహరించడం ద్వారా రోహిత్ ఈ స్థాయికి చేరుకున్నాడు.
నంబర్ వన్ స్థానం ఎవరిది?
గణాంకాలను పరిశీలిస్తే, 2026 నాటికి మహేంద్ర సింగ్ ధోనీ, విరాట్ కోహ్లీ మధ్య నంబర్ వన్ స్థానం కోసం హోరాహోరీ పోరు సాగుతోంది. కొన్ని నివేదికల ప్రకారం ధోనీ స్వల్ప ఆధిక్యంలో ఉండగా, మరికొన్ని కోహ్లీ బ్రాండ్ విలువను బట్టి ఆయనే అగ్రస్థానంలో ఉన్నారని పేర్కొంటున్నాయి. రోహిత్ శర్మ ఈ ఇద్దరి కంటే వెనుకబడినప్పటికీ, క్రీడా ప్రపంచంలో అత్యంత సంపన్న ఆటగాళ్లలో ఒకరిగా కొనసాగుతున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..