రాజీవ్ గాంధీ అంతర్జాతీయ స్టేడియంలో పిచ్ పేసర్లకు అనుకూలిస్తుండటంతో లక్నో బౌలర్లు రెచ్చిపోయారు. ఇప్పటికే మహ్మద్ షమీ ధాటికి ఓపెనర్లు వెనుదిరగ్గా, మూడో స్థానంలో వచ్చిన కెప్టెన్ ఇషాన్ కిషన్ జట్టును ఆదుకుంటాడని అందరూ ఆశించారు. కానీ ప్రిన్స్ యాదవ్ వేసిన ఒక డేంజరస్ బంతికి కిషన్ దగ్గర సమాధానం లేకపోయింది. ఆఫ్ స్టంప్ దిశగా పడిన లెంగ్త్ బంతిని డ్రైవ్ చేసేందుకు కిషన్ ప్రయత్నించగా, బ్యాట్కు ప్యాడ్కు మధ్య ఉన్న సందులో నుంచి బంతి దూసుకెళ్లి వికెట్లను ఎగురవేసింది. ఈ అద్భుత దృశ్యాన్ని చూసి స్టేడియం ఒక్కసారిగా హోరెత్తిపోయింది.
సంజీవ్ గోయెంకా భక్తి: తిరుమల శ్రీవారి ఆశీస్సులు..
ఇషాన్ కిషన్ వికెట్ పడగానే కెమెరాలు లక్నో జట్టు యజమాని సంజీవ్ గోయెంకా వైపు మళ్లాయి. ఆయన ముఖంలో ఆనందం వెల్లివిరిసింది. వెంటనే తన జేబులో నుంచి తిరుపతి వేంకటేశ్వర స్వామి ఫోటోను తీసి, దానికి నమస్కరిస్తూ భగవంతుడికి కృతజ్ఞతలు చెప్పుకున్నాడు. వ్యాపారవేత్తగా కనిపించే గోయెంకాకు దైవభక్తి ఎక్కువే. క్లిష్ట సమయాల్లో ఆయన ఎప్పుడూ శ్రీవారిని స్మరించుకుంటారని, తన విజయాల వెనుక కఠోర శ్రమతో పాటు దైవబలం కూడా ఉందని ఆయన బలంగా నమ్ముతారు.
— crictalk (@crictalk7) April 5, 2026
లక్నో పేస్ దళం భీభత్సం..
గత సీజన్లో బౌలింగ్ విభాగంలో ఇబ్బందులు ఎదుర్కొన్న లక్నో, ఈసారి స్వదేశీ పేస్ దళంపైనే పూర్తి నమ్మకం ఉంచింది. వేలంలో మహ్మద్ షమీని దక్కించుకోవడంతో పాటు ప్రిన్స్ యాదవ్, మయాంక్ యాదవ్, మోహ్సిన్ ఖాన్ వంటి యువ స్పీడర్లను ప్రోత్సహించిన గోయెంకా నమ్మకాన్ని బౌలర్లు నిలబెట్టుకుంటున్నారు. ప్రస్తుత ఐపీఎల్ 2026లో లక్నో పేసర్లు ప్రత్యర్థి బ్యాటర్లకు చుక్కలు చూపిస్తున్నారు.
హైదరాబాద్పై లక్నో పైచేయి..
తొలి రెండు మ్యాచ్ల్లోనూ లక్నో బౌలర్లు అద్భుత ప్రదర్శన చేశారు. ముఖ్యంగా సన్రైజర్స్తో జరిగిన ఈ మ్యాచ్లో షమీ, ప్రిన్స్ యాదవ్ కలిసి హైదరాబాద్ టాప్ ఆర్డర్ను దెబ్బతీయడంతో మ్యాచ్ లక్నో వైపు తిరిగింది. యువ రక్తం, అనుభవజ్ఞులైన బౌలర్ల కలయికతో లక్నో ఈసారి టైటిల్ రేసులో బలంగా కనిపిస్తోంది. గోయెంకా దైవభక్తి, ఆటగాళ్ల పట్టుదల తోడైతే లక్నోను ఆపడం కష్టమేనని క్రీడా విశ్లేషకులు అభిప్రాయపడుతున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..