ధనుర్మాసం వచ్చేసింది.. సంక్రాంతి ముగ్గులకు వేళయింది. నిత్యం రోజుకొక వెరైటీ ముగ్గుతో వాకిళ్లను రంగు రంగులతో తీర్చి దిద్దుతారు. వాటిమధ్యలో గొబ్బెమ్మలు పెడితే ఇక ఆ వాకిటి అందమే వేరుగా ఉంటుంది. ఇలా ఉంటే వాకిట్లో ముగ్గు ఉందంటే ఆ ఇల్లు సంతోషాలతో కళకళలాడుతూ ఉందని అర్ధం. ధనుర్మాస కళ ముగ్గులతోనే మొదలవుతుంది. ఎన్నో ఆనందాలను మూటకట్టి తెస్తుంది సంక్రాంతి. అందుకే వీధుల్లోని ముగ్గులన్నీ వింత రంగులు పులుముకొని సంక్రాంతి లక్ష్మికి ఆహ్వానం పలుకుతాయి అందాల ముగ్గులు..
