ఈ రోజుల్లో టాటూ వేయించుకోవడం అనేది ఒక పెద్ద ట్రెండ్ అయిపోయింది. మనసులోని భావాలను, ఇష్టాలను శరీరంపై బొమ్మలుగా మార్చుకోవడానికి చాలా మంది ఇష్టపడుతున్నారు. అయితే, ఒక్కసారి టాటూ వేయించుకుంటే దాన్నొక వ్యసనంలా మార్చుకుని పదే పదే వేయించుకునే వారు కూడా ఉన్నారు. ఇది కేవలం సూదులతో జరిగే నొప్పి మాత్రమే కాదు.. ఒక్కోసారి ప్రాణాల మీదకు తెచ్చే ప్రమాదంగా కూడా మారుతుంది. తాజాగా ఒక యువకుడికి టాటూ వేయించుకున్న తర్వాత ఎదురైన భయంకరమైన అనుభవం ఇప్పుడు అందరినీ షాక్కు గురిచేస్తోంది.
ఎర్రటి టాటూ.. నల్లటి పుండుగా మారింది: ఒక ఇరవై ఏళ్ల యువకుడు తన మెడ వెనుక భాగంలో ఎంతో ఇష్టంగా ఒక రెడ్ కలర్ క్రాస్ టాటూ వేయించుకున్నాడు. కానీ సరిగ్గా మూడు నెలల తర్వాత ఆ టాటూ మెల్లగా వెలిసిపోవడం మొదలైంది. అంతటితో ఆగకుండా, ఆ ప్లేస్లో పెద్ద పెద్ద గడ్డలు, మచ్చలు వచ్చాయి. మెడ చుట్టూ ఉన్న చర్మం కుళ్ళిపోయి, నల్లగా మారిపోయి ఒక భయంకరమైన పుండులా తయారైంది. దీన్నే మెడికల్ భాషలో ‘నెక్రోటిక్ అల్సర్’ అంటారు. నొప్పి భరించలేక ఆ యువకుడు దాదాపు ఐదు నెలల తర్వాత హాస్పిటల్లో జాయిన్ అయ్యాడు.
లోపల ఏం జరిగిందో చూసి డాక్టర్లే షాక్: డాక్టర్లు ఆ యువకుడిని పరీక్షించినప్పుడు అసలు విషయం బయటపడింది. ఇన్ఫెక్షన్లతో పోరాడే లింఫ్ నోడ్స్ బాగా వాచిపోయి, గట్టిగా తయారయ్యాయి. ఎంఆర్ఐ స్కాన్ చేసి చూస్తే, ఆ పుండు లోపల దాదాపు 5 సెంటీమీటర్ల సైజులో పెద్ద గడ్డలు కనిపించాయి. అంతేకాదు, మెడలోని ప్రధాన రక్తనాళంలో రెండు పెద్ద రక్తం గడ్డలు (బ్లడ్ క్లాట్స్) కూడా ఏర్పడ్డాయి. టాటూ వేయడానికి వాడిన ‘రెడ్ కలర్ ఇంక్’ వల్లనే శరీరంలో తీవ్రమైన అలర్జీ వచ్చి, అక్కడి చర్మం చనిపోయి ఉంటుందని డాక్టర్లు భావించారు.
అర్జెంట్గా సర్జరీ చేసి ప్రాణాలు కాపాడారు: పరిస్థితి చాలా వేగంగా విషమిస్తుండటంతో డాక్టర్లు ఏమాత్రం ఆలస్యం చేయకుండా అతనికి అర్జెంట్ సర్జరీ చేశారు. కుళ్ళిపోయిన ఆ చర్మాన్ని, లోపల ఉన్న గడ్డలను పూర్తిగా తొలగించారు. ఆ తర్వాత అతని తొడ భాగం నుండి కొవ్వును తీసి మెడ భాగాన్ని మళ్ళీ సర్జరీ ద్వారా రీ-కన్స్ట్రక్ట్ చేశారు. చివరికి ఆ యువకుడికి ‘నెక్రోటైజింగ్ గ్రాన్యులోమాటస్ లింఫాడెనిటిస్’ అనే అరుదైన సమస్య వచ్చినట్లు డాక్టర్లు తేల్చారు. కలర్ ఇంక్స్ ఎంత డేంజరో ఈ ఘటన మరోసారి నిరూపించింది.
టాటూలు వేయించుకోవడం తప్పు కాదు కానీ, అందుకోసం వాడే ఇంక్ మరియు సూదుల విషయంలో చాలా జాగ్రత్తగా ఉండాలి. ముఖ్యంగా రంగు రంగుల టాటూలు వేయించుకునే ముందు వాటి క్వాలిటీ గురించి తెలుసుకోవడం చాలా అవసరం. లేదంటే క్షణికమైన సరదా కాస్తా, జీవితాంతం కోలుకోలేని పెద్ద శాపంగా మారే ప్రమాదం ఉంది!
The post టాటూ ట్రెండ్ ప్రమాదమా?.. టాటూ తర్వాత షాకింగ్ ట్విస్ట్! appeared first on Manalokam – Latest Telugu News & Updates.