టీజీఎస్ఆర్టీసీకి సంబంధించిన సమస్యలను పరిష్కరించడానికి అధికారుల కమిటీ ఏర్పాటు చేస్తూ ఉత్తర్వులు జారీ చేసింది రేవంత్ సర్కార్. అధికారుల కమిటీకి సంబంధించి జీవో ఏం.ఎస్ నెం: 66 విడుదల చేసింది ప్రభుత్వం. టీజీఎస్ఆర్టీసీ ఉద్యోగుల నుంచి వారి సేవ నిబంధనలు, సంబంధిత విషయాలకు సంబంధించి ప్రభుత్వానికి పలు వినతులు అందుతున్నాయని.. వినతులను క్షుణ్ణంగా పరిశీలించి తగు సిఫార్సులను సూచించటానికి అధికారుల కమిటీ ఏర్పాటు చేస్తున్నట్లు తెలిపింది ప్రభుత్వం.
ALSO READ : ఈ జిల్లాల్లో ఎండలు తగ్గి వర్షాలు కురుస్తాయని తెలిపిన వాతావరణ శాఖ !
అధికారుల కమిటీలో సభ్యులు:
చైర్మెన్:
- ప్రభుత్వ ప్రత్యేక ప్రధాన కార్యదర్శి, రవాణా, రహదారులు, భవనాల శాఖ
సభ్యులు:
- ప్రభుత్వ ప్రత్యేక ప్రధాన కార్యదర్శి, కార్మిక, ఉపాధి, శిక్షణ, కర్మాగారాల శాఖ
- ప్రభుత్వ ప్రధాన కార్యదర్శి, ఆర్థిక శాఖ
- వైస్ చైర్మన్ మేనేజింగ్ డైరెక్టర్ టీజీఎస్ఆర్టీసీ – సభ్యుడు & కన్వీనర్
కమిటీ అన్ని అంశాలను సమగ్రంగా పరిశీలించి, ఈ ఉత్తర్వు జారీ చేసిన తేదీ నుండి నాలుగు వారాల వ్యవధిలోగా ప్రభుత్వానికి తన నివేదికను సమర్పించాలని తెలిపింది ప్రభుత్వం.