ప్రపంచంలోనే అత్యధికంగా డ్రై ఫ్రూట్స్ ఉత్పత్తి చేసే దేశం ఏదో తెలుసా ? నిజంగా ఆశ్చర్యపోతారు

ప్రపంచంలోనే డ్రై ఫ్రూట్స్  అత్యధికంగా ఉత్పత్తి చేసే దేశం ఏదంటే టక్కున భారత్, పాకిస్తాన్ లేదా ఇరాన్ అని అనుకుంటాం. కానీ, నిజం తెలిస్తే మీరు ఖచ్చితంగా ఆశ్చర్యపోతారు. ఎందుకంటే ఆ అగ్రస్థానంలో అమెరికా ఉంది. దీనికి ముఖ్య  కారణం కాలిఫోర్నియా రాష్ట్రంలో బాదం, వాల్‌నట్స్ సాగు భారీగా ఉండటమే. ప్రపంచ డ్రై ఫ్రూట్ ఉత్పత్తిలో అమెరికా వాటా దాదాపు 15 శాతంతో… మిగతా దేశాలన్నింటికంటే ముందుంది.

1. కాలిఫోర్నియాదే ప్రధాన పాత్ర
ప్రపంచ బాదం ఉత్పత్తిలో కాలిఫోర్నియా రాష్ట్రం ఒక్కటే అగ్రస్థానంలో ఉంది. దీనికి తోడు వాల్‌నట్స్ ఉత్పత్తి కూడా తోడవడంతో.. ప్రపంచవ్యాప్తంగా ఎక్కువగా అమ్ముడయ్యే ఈ రెండు డ్రై ఫ్రూట్స్‌పై అమెరికా గట్టి పట్టు సాధించింది.

2. కొన్ని ప్రత్యేక పండ్లలో ఇతర దేశాలదే పైచేయి
ఉత్పత్తిలో అమెరికా మొదట్లో ఉన్నప్పటికీ, కొన్ని ప్రత్యేకమైన డ్రై ఫ్రూట్స్‌ విషయంలో ఇతర దేశాలు కూడా  ముందున్నాయి.
ఇరాన్: పిస్తా పప్పుల ఉత్పత్తిలో ఇరాన్ పేరు ఎక్కువగా  వినిపిస్తుంది. అక్కడి వాతావరణం పిస్తా పంటకు బాగా అనుకూలంగా ఉంటుంది.

టర్కీ: ప్రపంచంలోనే అత్యధికంగా డ్రై ఆప్రికాట్లు (Apricots), హాజెల్ నట్స్, అత్తి పండ్లు, ఎండుద్రాక్షలను టర్కీ ఉత్పత్తి చేస్తుంది. ఉదాహరణకు, ఒక సీజన్‌లో టర్కీ ఏకంగా 87 వేల మెట్రిక్ టన్నుల ఎండు ఆప్రికాట్లను ఉత్పత్తి చేసింది. ఇది రెండో స్థానంలో ఉన్న ఇరాన్ కంటే ఏకంగా మూడు రెట్లు ఎక్కువ!

3. మన భారతదేశం ఎక్కడ ఉందంటే 
ప్రపంచ డ్రై ఫ్రూట్స్ మార్కెట్‌లో భారత్‌కు కూడా ప్రత్యేక స్థానం ఉంది. మనం కేవలం ఉత్పత్తి చేయడమే కాకుండా, ప్రపంచంలోనే వీటిని అత్యధికంగా వినియోగించే (కొనుగోలు చేసే) దేశాల్లో ఒకటిగా ఉన్నాము. మన దేశంలో పండుగలు, స్వీట్లలో డ్రై ఫ్రూట్స్ వాడకం చాలా ఎక్కువ. అందువల్ల వీటికి డిమాండ్ ఎప్పుడూ ఉంటుంది.

►ALSO READ | ఎగ్ వెరైటీస్: బ్యాచిలర్ ఫుడ్.. గుడ్డు నిల్వ పచ్చడి.. క్యాప్పికం ఆమ్లెట్.. టేస్ట్ అదిరిద్ది గురూ..!

ఎక్కడెక్కడ పండుతాయి: జమ్మూ కాశ్మీర్, హిమాచల్ ప్రదేశ్‌లలో బాదం, వాల్‌నట్స్, ఆప్రికాట్లు పండితే.. కర్ణాటకలో ఎండుద్రాక్ష, మహారాష్ట్ర, తమిళనాడు, కేరళ రాష్ట్రాల్లో జీడిపప్పు ఉత్పత్తి ఎక్కువగా జరుగుతుంది.

4. పెరుగుతున్న మార్కెట్
ప్రపంచవ్యాప్తంగా ఆరోగ్య రక్షణ పెరుగుతుండటంతో డ్రై ఫ్రూట్స్ మార్కెట్ వేగంగా అభివృద్ధి చెందుతోంది. భవిష్యత్తులో ఈ మార్కెట్ మరింత పెరిగే అవకాశం ఉంది. అయితే ప్రస్తుతానికైతే అమెరికాలోని బాదం తోటలే అమెరికా  దేశాన్ని నెంబర్ వన్ స్థానంలో నిలబెడుతున్నాయి!