ఎండాకాలం నీరసంగా ఉంటుంది. చిన్నపాటి పనికే అలసట వస్తుంది. అందులోనూ పిల్లలకు హాలిడేస్.. బాగా అల్లరి చేస్తుంటారు… ఎండల్లో తిరుగుతుంటారు. ఇమ్యూనిటి పవర్ కోల్పోతారు. అలా కాకుండా.. చల్లగా.. రుచిగా.. బలమైన పోషకాలున్న బొబ్బర్ల గారెలు బ్రేక్ ఫాస్ట్గా తింటే ఆరోగ్యంగా ఉంటారు. అంతేకాదు.. కడుపును శుభ్రంగా క్లీన్ చేసే పవర్ బొబ్బర్లకు ఉంటుంది. ఇంతటి పవర్ ఫుల్ బొబ్బర్లతో గారెలు ఎలా తయారు చేసేందుకు ఏమేమి కావాలి.. ఎలా తయారు చేయాలో ఈ స్టోరీలో తెలుసుకుందాం. . .!
బొబ్బర్ల వడలకు కావాల్సిన పదార్దాలు
- బొబ్బర్లు : ఒక కప్పు
- ఉల్లిపాయలు: రెండు ( సన్నగాతరిగినవి)
- పచ్చిమిర్చి : మూడు (సన్నగా తరగాలి)
- అల్లం: కొద్దిగా
- కరివేపాకు : నాలుగు రెమ్మలు
- కొత్తిమీర : అరకట్ట
- జీలకర్ర: ఒక టేబుల్ స్పూన్
- ఉప్పు : సరిపడ
- నూనె: వేగించడానికి సరిపడ
బొబ్బర్లు గారెలు తయారీ విధానం
బొబ్బర్లను శుభ్రం చేసుకోవాలి. తరువాత వాటిని ఒక గిన్నెలో తీసుకొని నీళ్లు పోయాలి. నీళ్లతో శుభ్రంగా కడిగిన తరువాత.. దాదాపు 8 గంటల పాటు నీళ్లలో నానపెట్టాలి. రాత్రి నానబెట్టి పొద్దున్నే గ్రైండ్ చేస్తే బెటర్. మిక్సీలో గ్రైండ్ చేసేటప్పుడు ఎక్కువుగా నీళ్లు వాడవద్దు. మరీ పల్చగా ఉండకూడదు. గారెల పిండిమాదిరిగా ఉండాలి.
ఆ తరువాత ఈ పిండిలో కరివేపాకు, కొత్తిమీర, అల్లం, ఉల్లిపాయముక్కలు, పచ్చిమిర్చి ముక్కలు వేసి బాగా కలపాలి. గట్టిగా ఉంటే కొద్దిగా నీళ్లు పోసుకోవాలి. ఆ తరువాత జిలకర్ర, ఉప్పు వేపి బాగా మిక్స్ చేయాలి.
ALSO READ : షుగర్ ఉన్నవారు పండ్లు తినకూడదా..?
ఈ పేస్ట్ మిశ్రమంలో ఉల్లిపాయలను, పచ్చిమిర్చి, కరివేపాకు, కొత్తిమీర అల్లం ముక్కలను సన్నగా తరిగి అందులో కలుపుకోవాలి. మరీ గట్టిగా ఉంటే కొద్దిగా నీళ్లు పోసుకోవాలి, ఇప్పుడు జీలకర్ర, ఉప్పు కూడా వేసి వీటిని బాగా మిక్స్ అయ్యేలా కలపాలి.
ఇప్పుడు స్టవ్ వెలిగించి పాన్ లో నూనె పోసి వేడి చేయాలి. నూనె ఒక మాదిరిగా కాగిన తరువాత… చేతులకు నూనె రాసుకొని గారెల మాదిరిగా తయారు చేసుకొని మీడియం మంటపై గోల్డ్ రంగులోకి మారే వరకు నూనెలో వేగించాలి. రుచిగా.. ఆరోగ్యంగా ఉండాలంటే తక్కువ నూనెను ఉపయోగించండి. ఇలా చేస్తే బొబ్బర్ల గారెలు చాలా రుచిగా ఉంటాయి.