కోల్బెల్ట్, వెలుగు: ట్రాఫిక్ నిబంధనలు పాటిస్తేనే ఇంటికి సురక్షితంగా చేరవచ్చని మంచిర్యాల డీసీపీ ఎం.భాస్కర్ అన్నారు. శుక్రవారం మందమర్రి టోల్ప్లాజా వద్ద ఏర్పాటు చేసిన ‘అరైవ్అలైవ్’ కార్యక్రమంలో భాగంగా పోలీసులు రోడ్డు భద్రత, గోల్డెన్అవర్, సీపీఆర్పై అవగాహన కల్పించారు. డీసీపీ మాట్లాడుతూ.. వ్యక్తిగత నిర్లక్ష్యం వల్లే రోడ్డు ప్రమాదాలు జరుగుతున్నాయని అన్నారు.
డ్రైవర్లు, ప్రయాణికులు ట్రాఫిక్ నిబంధనలు తప్పనిసరిగా పాటించాలని,హెల్మెట్, సీట్ బెల్ట్ వినియోగాన్ని అలవాటు చేసుకోవాలని సూచించారు. యమధర్మరాజు, చిత్రగుప్తుడి వేషధారణలో కళాకారులు టోల్ప్లాజా వద్ద డ్రైవర్లు, స్థానికులకు అవగాహన కల్పించిన తీరు ఆలోచింపజేసింది. మందమర్రి సీఐ రమేశ్పలు స్టేషన్ల ఎస్సైలు, ఆటోయూనియన్ లీడర్లు తదితరులు పాల్గొన్నారు.