రిజర్వ్ బ్యాంక్ ఆఫ్ ఇండియా (RBI) సావరిన్ గోల్డ్ బాండ్ (SGB) 2019-20 సిరీస్ 3 కింద ముందస్తు రెడెంప్షన్ ధరను గ్రాముకు రూ.15,310గా నిర్ణయించింది. 2019 ఆగస్టు 14న ఆన్లైన్ ద్వారా యూనిట్కు రూ.3,449 చొప్పున జారీ చేసిన ఈ బాండ్లు, ఏడేళ్ల కాలంలో దాదాపు 344 శాతానికి పైగా అద్భుతమైన రాబడిని అందించాయి. ఆ సమయంలో లక్ష రూపాయలు పెట్టుబడి పెట్టిన వారి డిపాజిట్ విలువ ఇప్పుడు దాదాపు రూ.4.44 లక్షలకు చేరుకుంది. బాండ్ల ధరల పెరుగుదలతో పాటు, పెట్టుబడిదారులు ప్రతి సంవత్సరం తమ అసలు పెట్టుబడిపై లభించే 2.5 శాతం స్థిర వడ్డీని కూడా వేరేగా అందుకున్నారు. అయితే.. 2026 కొత్త పన్ను నిబంధనల ప్రకారం.. ఎస్జీబీలను పూర్తి ఎనిమిదేళ్ల కాలపరిమితి ముగిసేవరకు ఉంచుకుంటేనే క్యాపిటల్ గెయిన్స్ పన్ను మినహాయింపు లభిస్తుంది. ఐదేళ్ల తర్వాత చేసే ముందస్తు విముక్తికి ఈ పన్ను మినహాయింపు వర్తించదు.
ఇదిలా ఉండగా.. భారతీయ మజ్దూర్ సంఘ్ (BMS) కార్మికుల దీర్ఘకాలిక డిమాండ్లను పరిష్కరించాలని డిమాండ్ చేస్తూ ఆగస్టు 17న దేశవ్యాప్తంగా నిరసనలు, ధర్నాలు చేపడుతున్నట్లు ప్రకటించింది. ఈపీఎస్-95 కింద లభించే కనీస పెన్షన్ను రూ.7,500కు పెంచాలని, దానిని వేరియబుల్ డియర్నెస్ అలవెన్స్, ఆయుష్మాన్ భారత్ పథకంతో అనుసంధానించాలని బీఎమ్ఎస్ డిమాండ్ చేస్తోంది. అలాగే ఉద్యోగుల ప్రావిడెంట్ ఫండ్ (EPF) సీలింగ్ను రూ.15,000 నుంచి రూ.30,000కి, ఈఎస్ఐ పరిమితిని రూ.42,000కి పెంచాలని విజ్ఞప్తి చేసింది.
కార్మికుల వేతనాల ప్రకారం బోనస్ లెక్కించడం, వారానికి ఐదు రోజుల బ్యాంకింగ్ విధానాన్ని అమలు చేయడం, ఖాళీగా ఉన్న ప్రభుత్వ పోస్టులను భర్తీ చేయడం, పాత పెన్షన్ విధానాన్ని (OPS) పునరుద్ధరించడం వంటి అంశాలు కూడా వీరి డిమాండ్ల జాబితాలో ఉన్నాయి. అంతేకాకుండా.. కొత్త లేబర్ కోడ్లలో ఉన్న కార్మిక వ్యతిరేక నిబంధనలను సవరించి, అంగన్వాడీ , ఇతర స్కీమ్ వర్కర్లకు తగిన పని గుర్తింపుతో పాటు ప్రత్యేక విధానాన్ని తీసుకురావాలని బీఎమ్ఎస్ ప్రభుత్వాన్ని కోరుతోంది.