ఆరోగ్యకరమైన జీవితానికి గుండె భద్రత చాలా ముఖ్యం. మన రోజువారీ ఆహారంలో సరైన పదార్థాలను చేర్చుకోవడం ద్వారా గుండె జబ్బుల ప్రమాదాన్ని చాలావరకు తగ్గించుకోవచ్చు. దీనికి మహత్తరమైన పరిష్కారం డ్రై ఫ్రూట్స్! వీటిలో ఉండే విటమిన్లు, ప్రోటీన్లు, ఖనిజాలు మరియు ఆరోగ్యకరమైన కొవ్వులు గుండెను బలంగా ఉంచడమే కాకుండా రక్తం గడ్డకట్టకుండా చూస్తాయి. ముఖ్యంగా రెండు రకాల డ్రై ఫ్రూట్స్ గుండె ఆరోగ్యాన్ని పదిలపరుస్తూ, రక్తంలో చక్కెర స్థాయిలను నియంత్రించడంలో అద్భుతంగా సహాయపడతాయి. అవేంటో ఇప్పుడు తెలుసుకుందాం..
బాదం (Almonds): బాదంలో ప్రోటీన్, ఫైబర్, విటమిన్ E, మెగ్నీషియం మరియు హెల్దీ ఫ్యాట్స్ పుష్కలంగా ఉంటాయి. ఇవి శరీరంలో ఉండే ఎల్డిఎల్ (చెడు కొలెస్ట్రాల్) స్థాయిలను తగ్గించడంలో సహాయపడతాయి. ఇక రోజూ పరిమితంగా బాదం తినడం వల్ల స్థూలకాయం తగ్గడంతో పాటు బ్లడ్ షుగర్ లెవల్స్ కంట్రోల్లో ఉంటాయి, గుండె కూడా పటిష్టంగా మారుతుంది.
వాల్నట్స్ (Walnuts): వాల్ నట్స్లో ఒమేగా-3 ఫ్యాటీ యాసిడ్స్, యాంటీఆక్సిడెంట్లు పుష్కలంగా ఉంటాయి. ఇవి అధిక రక్తపోటును (బిపి) తగ్గించి, గుండె మరియు శరీరం అంతటా రక్త ప్రసరణను వేగవంతం చేస్తాయి. ఇక రోజుకు ఒకటి లేదా రెండు వాల్నట్లు తీసుకోవడం వల్ల రక్తనాళాల్లో ఫలకం ఏర్పడకుండా నిరోధించి, హార్ట్ బ్లాక్లు రాకుండా కాపాడుతుంది.
గుండెకు వీటి వల్ల కలిగే మేలు: డ్రై ఫ్రూట్స్లోని అమినో యాసిడ్స్ రక్తనాళాలను సడలించి, రక్త ప్రసరణను సులభతరం చేస్తాయి. ఇక వీటిని షేక్స్, స్మూతీస్, స్నాక్స్ లేదా సలాడ్లలో భాగం చేసుకుని తింటే గుండె రక్షణతో పాటు చక్కెర వ్యాధి నివారణకు కూడా ఎంతగానో తోడ్పడతాయి.
డ్రై ఫ్రూట్స్ ఆరోగ్యానికి ఎంతో మంచివైనప్పటికీ, వీటిని పరిమిత మోతాదులోనే తీసుకోవాలి. ప్రతిరోజూ బాదం, వాల్నట్స్ తింటూ మీ గుండెను భద్రంగా ఉంచుకోండి.
గమనిక: మీకు డయాబెటిస్ లేదా కొలెస్ట్రాల్ తీవ్రంగా ఉన్నట్లయితే, మీ ఆహారంలో డ్రై ఫ్రూట్స్ మోతాదును నిర్ణయించుకోవడానికి ఒకసారి వైద్యుడిని లేదా పోషకాహార నిపుణుడిని (డయాటీషియన్) సంప్రదించడం శ్రేయస్కరం.
The post ఈ 2 ఫ్రూట్స్ తింటే హార్ట్ స్ట్రాంగ్.. షుగర్ కూడా కంట్రోల్లో! appeared first on Manalokam – Latest Telugu News & Updates.