మార్నింగ్ బ్రేక్ఫాస్ట్లోకి ఆరోగ్యకరమైన వంటకం ఏదైనా ఉందంటే.. అది ఇడ్లీ మాత్రమే.. మన సౌతిండియాలో ఇది మస్తు ఫేమస్. పిల్లల నుంచి పెద్దల వరకు ప్రతి ఒక్కరూ వీటిని తినేందుకు ఇష్టపడుతారు. అయితే మన ఇంట్లో చేసుకున్నప్పుడు ఇవి.. రెస్టారెంట్లలో లభించే మెత్తగా, దూదిలా ఉండే ఇడ్లీల్లా కాకుండా కాస్త గట్టిగా వస్తాయి. కానీ ఇక్కడ ఓ షెప్ చెప్పిన కొన్ని టిప్స్ పాటిస్తే మీరు కూడా ఇంట్లోనే హోటల్ స్టైల్ సాఫ్ట్ ఇడ్లీలను చేసుకోవచ్చు.
అవును నిపుణులైన షెప్ల ప్రకారం.. ఇడ్లీలు షాఫ్ట్గా రావాలంటే.. ఇడ్లీకి నానబెట్టిన బియ్యం, మినప్పప్పును రుబ్బేటప్పుడు అందులో కొద్దిగా అటుకులు వేయాలని సూచిస్తున్నారు. ఇలా మూడింటిని కలిపి రుబ్బితే ఇడ్లీలు ఎంతో మృదువుగా, దూదిలా వస్తాయని చెబుతున్నారు. కాబట్టి వీటిని స్టెప్ బై స్టెప్ ఎలా చేయాలో తెలుసుకుందాం.
దూదిలాంటి ఇడ్లీలు తయారు చేసేందుకు కావలసిన పదార్థాలు
- బియ్యం: 3 కప్పులు
- మినప్పప్పు: 1 కప్పు
- పల్చటి అటుకులు: ½ కప్పు
- ఉప్పు: రుచికి సరిపడా
- నీరు: తగినంత
- నూనె: ఇడ్లీ పాత్రలకు రాయడానికి సరిపడా
దూదిలాంటి ఇడ్లీల తయారీ విధానం
- స్టెప్-1: మీకు హోటల్ స్టైల్లో దూదిలాంటి మెత్తటి ఇడ్లీలు రావాలంటే.. ముందుగా బియ్యం, మినప్పప్పు, అటుకులను వేర్వేరు పాత్రలలో 4 నుండి 6 గంటల పాటు నానబెట్టుకోవాలి.
- స్టెప్-2: ఇప్పుడు నానిన మినప్పప్పును పిండి తేలికగా, నురుగు వచ్చేలా మెత్తగా రుబ్బుకోవాలి. ఆ తర్వాత బియ్యం, అటుకులను కూడా మెత్తగా రుబ్బి, ఈ మిశ్రమాలన్నింటినీ ఒక పెద్ద గిన్నెలో కలపాలి.
- స్టెప్-3: తర్వాత పిండిలో రుచికి సరిపడ ఉప్పు వేసి బాగా కలిపి, 8 నుండి 10 గంటల పాటు పులియపెట్టాలి. అవసరమైతే చిటికెడు బేకింగ్ సోడా కూడా కలుపుకోవచ్చు
- స్టెప్-4: తర్వాత ఇడ్లీ ప్లేట్లకు కొద్దిగా నూనె రాసి, అందులో తగినంత పిండి వేసి. ఇడ్లీ కుక్కర్ లేదా పాత్రలో ఆవిరిపై సుమారు 5 నుండి 10 నిమిషాలు ఉడికించాలి.
- స్టెప్-5: అంతే వేడివేడిగా, ఎంతో మెత్తగా ఉండే దూది లాంటి ఇడ్లీలు రెడీ అయినట్టే. వీటిని పల్లీల చట్నీ, అల్లం చట్నీ లేదా లేదా వేడివేడి సాంబార్తో తింటే ఇలా నోట్లో పెట్టగానే అలా కరిగిపోతాయి. ఈ సారి మీరు కూడా ట్రై చేయండి.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి.