దశాబ్దాల పాటు తన నటనతో, అందంతో భారతీయ సినీ ప్రేక్షకులను అలరించిన సీనియర్ నటి జయప్రద. ఇప్పుడు ప్రభాస్ హీరోగా నటిస్తున్న భారీ పీరియడ్ డ్రామా ‘ఫౌజీ’లో భాగమయ్యారు. ‘సీతా రామం’ ఫేమ్ హను రాఘవపూడి దర్శకత్వంలో తెరకెక్కుతున్న ఈ సినిమాలో ప్రభాస్కు తల్లిగా లేదా ఒక పవర్ఫుల్ రాయల్ పాత్రలో ఆమె కనిపిస్తారనే ప్రచారం జరుగుతోంది. మైత్రీ మూవీ మేకర్స్ సుమారు రూ. 400 కోట్ల భారీ బడ్జెట్తో నిర్మిస్తున్న ఈ చిత్రంలో ప్రభాస్ సరసన మలయాళ బ్యూటీ ఇమాన్వీ (Imanvi) హీరోయిన్గా పరిచయం అవుతోంది. 1940ల నాటి యుద్ధ నేపథ్యంలో సాగే ఈ ప్రేమకథలో ప్రభాస్ ఒక బ్రిటిష్ ఆర్మీ ఆఫీసర్గా కనిపిస్తారని సమాచారం. ప్రస్తుతం ఈ సినిమా షూటింగ్ శరవేగంగా జరుగుతోంది. అయితే తాజాగా ఒక కార్యక్రమంలో పాల్గొన్న జయప్రద..
Also Read : Salman Khan: సల్మాన్ – నయనతార తో.. దిల్ రాజు మాస్టర్ ప్లాన్..!
‘ప్రభాస్తో కలిసి నటించడం నాకు దక్కిన గొప్ప అవకాశం, దీన్ని నా అదృష్టంగా భావిస్తున్నాను. హను రాఘవపూడి ఈ కథను చాలా అద్భుతంగా, విజువల్ వండర్లా తీర్చిదిద్దుతున్నారు. ఈ సినిమా ప్రేక్షకులకు ఒక మర్చిపోలేని అనుభూతిని ఇస్తుంది’ అని ధీమా వ్యక్తం చేశారు. ఇక ప్రస్తుత సినిమాల గురించి మాట్లాడుతూ.. అప్పట్లో ఎమోషన్స్, ఎక్స్ప్రెషన్స్కు ఉన్న ప్రాధాన్యతను గుర్తు చేసుకున్నారు. టెక్నాలజీ ఎంత పెరిగినా నటుడిలోని భావ వ్యక్తీకరణే సినిమాకు ప్రాణమని ఆమె చెప్పుకొచ్చారు. తన డ్రెస్సింగ్ స్టైల్ గురించి స్పందిస్తూ.. తనకు ఇప్పటికీ చీరలంటేనే ఇష్టమని, ట్రెడిషనల్ లుక్లో ఉండే అందం మరెందులోనూ ఉండదని తన ఫ్యాషన్ సీక్రెట్ను బయటపెట్టారు. నార్త్, సౌత్ రెండు ఇండస్ట్రీలలోనూ తనను ఆదరిస్తున్న ప్రేక్షకులకు ఆమె కృతజ్ఞతలు తెలిపారు. ప్రభాస్ వంటి పాన్ ఇండియా స్టార్ సినిమాలో జయప్రద వంటి లెజెండరీ నటి చేరడం ‘ఫౌజీ’ సినిమాకు మరింత నిండుదనాన్ని తీసుకొచ్చింది.