భారతీయ సినీ చరిత్రలోనే అత్యంత ప్రతిష్టాత్మక ప్రాజెక్ట్గా తెరకెక్కుతున్న మైథాలాజికల్ ఎపిక్ ఫిల్మ్ ‘రామాయణ’. బాలీవుడ్ దర్శకుడు నితేష్ తివారి దర్శకత్వంలో, నమిత్ మల్హోత్రా భారీ బడ్జెట్తో నిర్మిస్తున్న ఈ దృశ్య కావ్యం ఫస్ట్ పార్ట్ పాన్ ఇండియా ట్రైలర్ ను ఇటీవల రిలీజ్ చేసారు కానీ రిలీజ్ డేట్పై క్లారిటీ ఇవ్వలేదు. అయితే తాజాగా రామాయణ ఇంగ్లిష్ ట్రైలర్ ను రిలీజ్ చేసారు మేకర్స్. ట్రైలర్ తో పాటు రిలీజ్ డేట్ ను మాతృ సంస్థ సోనీ పిక్చర్స్ అధికారికంగా ప్రకటించింది.
తాజాగా మేకర్స్ రిలీజ్ చేసిన ఇంగ్లీష్ ట్రైలర్ ద్వారా ఈ విషయాన్ని వెల్లడించారు. “ఎపిక్ జర్నీ అన్లైక్ ఎనీథింగ్ సీన్ బిఫోర్.. వాచ్ ది అఫీషియల్ ట్రైలర్ ఫర్ ‘రామాయణ’ కమింగ్ టు థియేటర్స్ వరల్డ్వైడ్ నవంబర్ 6; అని ప్రకటిస్తూ గ్లోబల్ ప్రమోషన్స్ను నెక్స్ట్ లెవెల్కి తీసుకెళ్లారు. దీపావళి కానుకగా రాబోతున్న ఈ సినిమా బాక్సాఫీస్ వద్ద సరికొత్త రికార్డులు సృష్టించడం ఖాయమని అంచనా వేస్తున్నారు. ఈ సినిమాలో శ్రీరాముడిగా రణబీర్ కపూర్, సీతాదేవిగా సాయి పల్లవి నటిస్తుండగా, లంకేశ్వరుడు రావణాసురుడిగా రాకింగ్ స్టార్ యష్ కనిపించనున్నారు. హనుమంతుడిగా సన్నీ డియోల్, లక్ష్మణుడిగా రవి దూబేతో పాటు లారా దత్తా, కాజల్ అగర్వాల్ ముఖ్య పాత్రలు పోషిస్తున్నారు. అంతేకాకుండా ఈ చిత్రానికి ఆస్కార్ విజేతలు ఏఆర్ రెహమాన్ మరియు హ్యాన్స్ జిమ్మర్ అందించిన బ్యాక్గ్రౌండ్ స్కోర్ ప్రధాన ఆకర్షణగా నిలవనుంది. రెండు భాగాలుగా తెరకెక్కుతున్న ఈ సిరీస్ లో పార్ట్ 2 నవంబర్ 2027 దీపావళికి విడుదల కానుంది.