కేంద్ర పాలిత ప్రాంతమైన పుదుచ్చేరి అసెంబ్లీ ఎన్నికల నేపథ్యంలో బిజెపి పార్టీ తమ అభ్యర్థుల జాబితాను ప్రకటించింది. ఈ ఎన్నికల్లో పోటీ చేయబోతున్న 9 మంది అభ్యర్థుల పేర్లను శనివారం వెల్లడించింది. పుదుచ్చేరి హోం మంత్రి ఎ. నమశ్శివాయం మన్నాడిపేట నియోజకవర్గం నుండి బరిలోకి దిగనున్నారు. కలపేట నుండి పి.ఎం.ఎల్. కళ్యాణసుందరంను, తిరునల్లార్ నుండి జి.ఎన్.ఎస్. రాజశేఖరన్ను అభ్యర్థులుగా నిలబెట్టింది.
ఈ జాబితా ప్రకారం, ఎ. నమశ్శివాయం మన్నాడిపేట నుండి, వి.పి. రామలింగం రాజ్భవన్ నుండి, ఎ. జాన్కుమార్ ముదలియార్పేట స్థానాల నుండి పోటీ చేయనున్నారు. ఎంబాలం ఆర్. సెల్వం మానవేలి నుండి, టి.కె.ఎస్.ఎం. మీనాక్షిసుందరం నెరవి టి.ఆర్. పట్టణం నుండి, ఎ. దినేశన్ మాహే నుండి ఎన్నికల బరిలో నిలవనున్నారు. షెడ్యూల్డ్ కులాలకు (SC) కేటాయించిన రిజర్వ్ స్థానమైన ఔస్సుడు నుండి ఇ. తీప్పైంతన్ పోటీ చేయనున్నారు.
కాగా, పుదుచ్చేరిలో జరగనున్న అసెంబ్లీ ఎన్నికల కోసం అధికార AINRC పార్టీ, బిజెపి-AIADMK కూటమి శుక్రవారం ఒప్పందం కుదుర్చుకున్నాయి. ఈ ఒప్పందం ప్రకారం, AINRC 16 స్థానాల్లో పోటీ చేయగా, మిగిలిన 14 స్థానాల్లో బీజేపీ పోటీ చేయనుంది.