నిర్జల ఏకాదశి ఉపవాసం ఎప్పుడు విరమించాలి? హరి వాసర టైమ్, పారణ నియమాలు తెలుసుకోండి!

Nirjala Ekadashi: ఈ రోజు విష్ణు భక్తులు అత్యంత పవిత్రమైన ‘నిర్జల ఏకాదశి వ్రతాన్ని’ భక్తిశ్రద్ధలతో ఆచరిస్తున్నారు. ఆహారం మాత్రమే కాకుండా నీటిని కూడా తీసుకోకుండా ఉండే ఈ వ్రతం, అన్ని ఏకాదశి వ్రతాలలో అత్యంత కఠినమైనదిగా పరిగణించబడుతుంది. పురాణాల ప్రకారం, మహాబలశాలి భీమసేనుడు కూడా ఈ వ్రతాన్ని ఆచరించినట్లు చెప్పబడింది. నిర్జల ఏకాదశి వ్రతాన్ని నియమ నిష్ఠలతో పాటిస్తే, సంవత్సరం మొత్తం చేసే అన్ని ఏకాదశి వ్రతాల పుణ్యఫలం లభిస్తుందని భక్తుల విశ్వాసం. విష్ణుమూర్తిని ఆరాధిస్తూ ఈ ఉపవాసాన్ని ఆచరించడం వల్ల పాపాలు నశించి, జనన–మరణ చక్రం నుంచి విముక్తి లభించి వైకుంఠ ప్రాప్తి కలుగుతుందని శాస్త్రాలు పేర్కొంటున్నాయి. అయితే, వ్రతం సంపూర్ణ ఫలితాన్ని పొందాలంటే ‘పారణ (ఉపవాస విరమణ)’ కూడా శాస్త్రోక్తంగా చేయడం ఎంతో ముఖ్యమని పండితులు చెబుతున్నారు.

నిర్జల ఏకాదశి 2026 పారణ సమయం

శాస్త్రాల ప్రకారం, ఏకాదశి వ్రతాన్ని ఎల్లప్పుడూ ‘ద్వాదశి తిథి’ రోజునే విరమించాలి. పంచాంగ వివరాల ప్రకారం, జూన్ 26, 2026న ఉదయం 5:25 గంటల నుంచి 8:13 గంటల మధ్య నిర్జల ఏకాదశి ఉపవాసాన్ని విరమించడం శుభప్రదంగా భావించబడుతుంది. భక్తులు ఈ సమయంలో పారణ చేయడం ద్వారా వ్రతాన్ని సంపూర్ణంగా ముగించవచ్చు. అయితే, ద్వాదశి తిథి జూన్ 26 రాత్రి 10:22 గంటల వరకు కొనసాగుతుంది.

హరి వాసర అంటే ఏమిటి?

ఏకాదశి వ్రతంలో ‘హరి వాసర’కు ప్రత్యేక ప్రాముఖ్యత ఉంది. ద్వాదశి ప్రారంభమైన వెంటనే వచ్చే తొలి భాగాన్ని హరి వాసరగా పరిగణిస్తారు. ఈ సమయంలో శ్రీమహావిష్ణువు ఆరాధనకు అత్యంత శుభఫలితాలు లభిస్తాయని విశ్వసిస్తారు. శాస్త్రాల ప్రకారం, హరి వాసర ముగిసే వరకు ఉపవాసాన్ని విరమించకూడదు. అందువల్ల పారణ సమయాన్ని నిర్ణయించేటప్పుడు హరి వాసర ముగింపు సమయాన్ని తప్పనిసరిగా పరిగణనలోకి తీసుకోవాలి.

ఉపవాసం విరమించేటప్పుడు గుర్తుంచుకోవాల్సిన విషయాలు

• హరి వాసర ముగిసిన తర్వాత మాత్రమే పారణ చేయాలి.
• ముందుగా శ్రీమహావిష్ణువుకు ప్రార్థనలు చేసి, తులసి దళం సమర్పించడం శుభప్రదం.
• పారణ సమయంలో ముందుగా నీరు లేదా పాలు తీసుకుని, అనంతరం సాత్వికాహారంతో ఉపవాసాన్ని ముగించవచ్చు.
• దానం, అన్నదానం, బ్రాహ్మణ సత్కారం వంటి పుణ్యకార్యాలు చేయడం మరింత శ్రేయస్కరం.

మత విశ్వాసాల ప్రకారం, హరి వాసరను పట్టించుకోకుండా ఉపవాసాన్ని విరమిస్తే వ్రత ఫలితం పూర్తిగా లభించదని చెబుతారు. అందువల్ల నిర్జల ఏకాదశి వ్రతాన్ని ఆచరించే భక్తులు పారణ సమయంతో పాటు హరి వాసర నియమాలను కూడా తప్పనిసరిగా పాటించాలని పండితులు సూచిస్తున్నారు.

(Disclaimer: ఇక్కడ అందించిన సమాచారం వాస్తు శాస్త్రం, సాధారణ నమ్మకాల ఆధారంగా మాత్రమే అందించబడింది. ఈ సమాచారం ఖచ్చితంగా నిజం లేదా శాస్త్రీయంగా నిర్ధారితమైన సమాచారం అని భావించకండి. వ్యక్తిగత నిర్ణయాలు తీసుకునే ముందు సంబంధిత నిపుణులను సంప్రదించడం మంచిది.)

ఇది కూడా చదవండి: Nirjala Ekadashi: నిర్జల ఏకాదశి వ్రత కథ.. భీముడు చేసిన ఈ ఒక్క వ్రతం వల్ల 26 ఏకాదశుల పుణ్యం ఎలా లభించింది?