ఐర్లాండ్తో జరగబోయే రెండు మ్యాచ్ల టీ20 సిరీస్కు ముందు భారత క్రికెట్ జట్టులో కీలక మార్పులు జరిగాయి. జట్టులోని ఇద్దరు ముఖ్య ఆటగాళ్లు నితీష్ కుమార్ రెడ్డి, వరుణ్ చక్రవర్తి గాయాల కారణంగా ఈ సిరీస్కు దూరం కావడంతో సెలెక్టర్లు వారి స్థానంలో మార్పులు చేశారు. ఆల్రౌండర్ సూర్యాన్ష్ షెడ్గేను జట్టులోకి రీప్లేస్మెంట్గా ఎంపిక చేసినట్లు ప్రకటించారు. ఈ పర్యటనలో భారత జట్టుకు శ్రేయస్ అయ్యర్ కెప్టెన్గా వ్యవహరించనుండగా, యువ బ్యాటర్ తిలక్ వర్మ వైస్ కెప్టెన్గా బాధ్యతలు పంచుకోనున్నారు. ఐర్లాండ్ సిరీస్ కోసం అప్డేట్ చేసిన పూర్తి భారత స్క్వాడ్ వివరాలు ఈ విధంగా ఉన్నాయి.
ఐర్లాండ్ పర్యటనకు భారత టీ20 జట్టులో.. శ్రేయస్ అయ్యర్ (కెప్టెన్), అభిషేక్ శర్మ, సంజూ శాంసన్ (వికెట్ కీపర్), ఇషాన్ కిషన్ (వికెట్ కీపర్), శివమ్ దూబే, తిలక్ వర్మ (వైస్ కెప్టెన్), సూర్యాన్ష్ షెడ్గే, అక్షర్ పటేల్, వాషింగ్టన్ సుందర్, రవి బిష్ణోయ్, హర్షిత్ రాణా, అర్ష్దీప్ సింగ్, ప్రిన్స్ యాదవ్, వి. సూర్యవంశీ, ప్రసిద్ధ్ కృష్ణ జట్టులో ఉన్నారు.
ఈ సిరీస్లో యువ ఆటగాళ్లతో కూడిన టీమిండియా బరిలోకి దిగుతోంది. ఇటీవల దేశవాళీ క్రికెట్, ఐపీఎల్లో అదరగొట్టిన హర్షిత్ రాణా, ప్రిన్స్ యాదవ్, వి. సూర్యవంశీ వంటి యువ ముఖాలకు ఈ జట్టులో చోటు దక్కింది. గాయాల కారణంగా నితీష్ రెడ్డి, వరుణ్ చక్రవర్తి దూరం కావడం దురదృష్టకరమే అయినప్పటికీ.. ఆల్రౌండ్ నైపుణ్యాలు ఉన్న సూర్యాన్ష్ షెడ్గేకు ఇది ఒక మంచి అవకాశంగా మారనుంది. శ్రేయస్ అయ్యర్ సారథ్యంలో ఈ యువ భారత్ ఐర్లాండ్ గడ్డపై ఎలాంటి ప్రదర్శన ఇస్తుందో చూడాలి.