జ్యోతిష్యం: జూన్ 29 జ్యేష్ఠ పూర్ణిమ.. జాతక దోషాలకు.. ఆర్థిక సమస్యలకు పరిష్కార మార్గం ఇదే..!

ఈ ఏడాది (2026)  జూన్​ 29న ఆధ్యాత్మికంగా చాలా విశిష్టత సంతరించుకుంది.  పౌర్ణమి ఘడియల్లోనే సూర్యోదయ్.. చంద్రోదయం సంభవిస్తాయి.  ఈ రోజున కొన్నిప్రత్యేక పరిహారాలు పాటించాలని పండితులు చెబుతున్నారు.   అలా పాటించడం వలన జీవితంలో ఎదుర్కొంటున్న సమస్యలకు విముక్తి కలుగుతుంది.  దీర్ఘకాలంగా సతమతమవుతున్న ఇబ్బందులకు మంచి పరిష్కారం కలుగుతుందని పండితులు చెబుతున్నారు.  ఈ ఏడాది జ్యేష్ఠ శుభ సమయం ఎప్పుడు.. ఆరోజు ఎలాంటి నియమాలు పాటించాలి… మొదలగు విషయాలను ఈ స్టోరీలో తెలుసుకుందాం. .. ! 

సనాతన ధర్మంలో జ్యేష్ఠ మాసంలో వచ్చే పౌర్ణమికి ప్రత్యేక ప్రాముఖ్యత ఉంది.  హిందువులకు  ఆ రోజు చాలా పవిత్రమైనది. ముఖ్యమైనది. ఎందుకంటే ఆ తేదీన చంద్రుడు పూర్ణ చంద్రుడి రూపంలో కనిపిస్తాడు. . ఈ తిథి నాడు ఎన్నో శుభకార్యాలు చేస్తారు.  హిందూ పురాణాల ప్రకారం  లక్ష్మీదేవి ఆశీస్సులు పొందేందుకు జ్యేష్ఠ పౌర్ణమి చాలా ముఖ్యమైన రోజుగా చెప్తారు.   

జ్యేష్ఠ పూర్ణిమ శుభ సమయం

• జ్యేష్ఠ పూర్ణిమ  తిథి ప్రారంభం :  2026 జూన్​ 29 సోమవారం తెల్లవారుజామున 3.06 గంటలకు
• జ్యేష్ఠ పూర్ణిమ  తిథి ముగింపు :  2026 జూన్​ 30 ఆది వారం తెల్లవారుజామున 5.26 గంటలకు
• పండితులు తెలిపిన వివరాల ప్రకారం జ్యేష్ఠ పూర్ణిమ పూజలు తేది : 2026 జూన్​ 29 సోమవారం
• పవిత్ర స్నానాలకు అనుకూలమైన బ్రహ్మ ముహూర్తం: 2026 జూన్​ 29 సోమవారంఉదయం 4:06 గంటల నుంచి 4:46 గంటల వరకు
• అభిజిత్​ ముహూర్తం : 2026 జూన్​ 29 సోమవారం ఉదయం 11:57 గంటల నుంచి మధ్యాహ్నం 12:52 గంటల వరకు 
• పూజలు చేయుటకు అమృత ఘడియలు: ఉదయం 5:26 గంటల నుంచి 7:11 గంటల వరకు  మరియు  ఉదయం 8:55 గంటల నుంచి 10:40 గంటల వరకు
• పూర్ణిమ రాత్రి వేళ చంద్రుడికి అర్ఘ్యం సమర్పించే సమయం: 7.06 గంటలకు
• ప్రదోషకాలంలో లక్ష్మీదేవి పూజ సమయం : జూన్​ 29 రాత్రి  7:23 గంటల నుంచి 8:38 గంటల వరకు 

జ్యేష్ఠ పూర్ణిమ రోజున తెల్లవారుజామునే అంటే సూర్యోదయానికి ముందే నిద్ర లేచి స్నానం చేయాలి. ఉతికిన బట్టలను ధరించి పూజను ప్రారంభించాలి. శ్రీ మహా విష్ణువును, లక్ష్మీదేవిని, సత్యనారాయణ దేవుళ్లను పూజించడం వల్ల శుభ ఫలితాలొస్తాయని చాలా మంది నమ్ముతారు. ఈరోజున ప్రవహించే నదిలో స్నానం చేయడం వల్ల సకల పాపాలు తొలగిపోతాయని పండితులు చెబుతారు. అంతేకాదు తమ వ్యక్తిగత జీవితంలో ఆనందం, శ్రేయస్సు కూడా లభిస్తాయి. ఆర్థిక పరమైన కష్టాలు కూడా తొలగిపోతాయి. అంతేకాదు ఈరోజున శని దేవుని ప్రత్యేక అనుగ్రహం కూడా లభిస్తుంది.

జ్యేష్ఠ పూర్ణిమ రోజున చేయాల్సిన ఆచారాలు

• జ్యేష్ఠ  పౌర్ణమి రోజున తులసి మొక్కను పూజించడం చాలా శుభప్రదమని చెబుతారు. జాతకంలో ఏదైనా లోపం ఉంటే దాన్ని తగ్గించుకోవడానికి ఈ తులసి ఆరాధన ఎంతో పవిత్రంగా భావిస్తారు. ఇది కాకుండా ఆధ్యాత్మిక శాంతి, శ్రేయస్సు, అదృష్టం పొందడానికి పూర్ణిమ నియమాల ప్రకారం తులసి పూజ శుభప్రదం.
• జ్యేష్ఠ పౌర్ణమి రోజున మర్రి, అశ్వత్థామ చెట్లను కూడా పూజిస్తారు. సావిత్రి తిథి కూడా ఈ రోజే వస్తోంది. అక్కడి నుంచి ఈ పౌర్ణమి రోజున మర్రి, అశ్వత్థామ చెట్ల ఆరాధనకు ఎంతో ప్రీతికరమైనది. ఈ పౌర్ణమి రోజున మర్రి, అశ్వత్థామ చెట్లను పూజించడం వల్ల సుఖసంతోషాలు, సౌభాగ్యాలు, మోక్షం లభిస్తాయని చాలా మంది నమ్ముతారు. 
•  పూర్ణిమ పర్వదినాన సత్యనారాయణ స్వామిని చాలా ఇళ్లలో పూజిస్తారు
•  జ్యేష్ఠ పూర్ణిమ రోజున గంగా జలంలో పాలను కలిపి చంద్రునికి సమర్పించాలి. ఇలా చేయడం వల్ల మీ ఇంట్లో సంతోషం, ఐశ్వర్యం పెరుగుతాయి.
•  ఎవరైతే తమ జాతకంలో చంద్ర దోషంతో ఇబ్బంది పడుతుంటారో వారంతా జ్యేష్ఠ పూర్ణిమ రోజున చంద్రుడిని పూజించాలి. చంద్రుడికి ఇష్టమైన వస్తువులను దానం చేయడం వల్ల చంద్ర దోషం నుంచి విముక్తి పొందొచ్చు.
• ఓం స్రం శ్రీం స్రౌం సః చంద్రమసే నమః…..ఓం శ్రీం శ్రీం శ్రౌం సః చంద్రమసాయ నమః అనే మంత్రాలను జపించాలి. ఈ పరిహారం పాటించడం వల్ల చంద్ర దోషం తొలగిపోతుంది.
•  తెల్లని వస్త్రాలను, పాలు, పాల పదార్థాలతో చేసిన మిఠాయిలను నిరుపేదలకు దానం చేయడం వల్ల పుణ్యఫలం లభిస్తుంది.. 
• ఈ రోజున లక్ష్మీ దేవిని, విష్ణువును పూజించడం వలన శుభ ఫలితాలు కలుగుతాయి. అలాగే ఇంట్లో ఆర్థిక సంక్షోభం ఎప్పుడూ ఉండదు.
• ఆ రోజున స్నానం చేసిన తరువాత బ్రాహ్మణులకు  చంద్రునికి సంబంధించిన తెల్లని వస్త్రం, చక్కెర, బియ్యం, పెరుగు లేదా వెండి వస్తువులను దానం చేయాలి. ఇలా చేయడం వల్ల జాతకంలో చంద్రుని స్థానం బలపడి జీవితంలో ఆనందం కొనసాగుతుందని నమ్ముతారు.

Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనాన్ని  పురాణాల ప్రకారం పండితులు.. నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించరు. మీకున్న ఆధ్యాత్మిక నిపుణులను సంప్రదించటం ఉత్తమం.