తమిళనాడులో ఘోర రోడ్డు ప్రమాదం జరిగింది. శుక్రవారం (మార్చి20) ని సేలం సమీపంలో తమిళనాడు ఆర్టీసికి చెందిన బస్సు అదుపుతప్పిన ఎదురుగా వస్తున్న వాహనాలను ఢీకొట్టింది. ఈ ప్రమాదంలో ఏడుగురు అక్కడిక్కడే చనిపోయారు. మృతుల్లో ఇద్దరు పిల్లలు, ముగ్గురు మహిళలు ఉన్నారు. మరో ఇద్దరి పరిస్థితి విషమంగా ఉంది. చిన్నారి పుట్టువెంట్రుకలు తీయించేందుకు గుడికి వెళ్తుండగా ఈ ప్రమాదం జరిగింది. ప్రమాదానికి సంబంధించిన విజువల్స్ రహదారిపై ఉన్న సీసీకెమెరాల్లో రికార్డయ్యాయి.
అరియనూర్ సమీపంలో సేలం-కోయంబత్తూరు జాతీయ రహదారిపై తమిళనాడు రాష్ట్ర రవాణా సంస్థ (టీఎన్ఎస్టీసీ) బస్సు అదుపుతప్పి ఎదురుగా వస్తున్నటూవీలర్, ఆటోను ఢీకొట్టింది. ఈ ప్రమాదంలో ఇద్దరు చిన్నారులతో సహా ఏడుగురు మృతి చెందారు. మరో ఇద్దరి పరిస్థితి విషమంగా ఉంది.
టూవీలర్ పై వెళ్తున్న తల్లీకొడుకు ఇరుసై, మణికందన్ అక్కడికక్కడే మృతిచెందారు. టెంపోలో ప్రయాణిస్తున్న ఒకే కుటుంబానికి చెందిన సెల్వరాజ్ , అమృత, మురుగన్, జీవిక(11 నెలలు) నితీష(5) స్పాట్ లోనే మృతిచెందారు. చిన్నారి పుట్టువెంట్రుకలు తీయించేందుకు గుడికి వెళ్తుండగా ఈ ప్రమాదం జరిగింది.