Pawan Kalyan OG 2 Update: ‘పవర్ స్టార్’ పవన్ కళ్యాణ్ చేతిలో ప్రస్తుతం రెండు ప్రాజెక్టులు ఉన్న సంగతి తెలిసిందే. వీటిలో దర్శకుడు సుజీత్ తెరకెక్కించనున్న ‘ఓజీ’ సీక్వెల్పై భారీ అంచనాలు ఉన్నాయి. తొలి భాగం ప్రేక్షకులను ఆకట్టుకోవడంతో.. సీక్వెల్ను మరింత యాక్షన్తో నింపేలా రూపొందించేందుకు చిత్ర బృందం సిద్ధమవుతున్నట్లు తెలుస్తోంది. స్క్రిప్ట్ను మేకర్స్ లాక్ చేసినట్లు తెలుస్తోంది. మొదటి భాగం విజయాన్ని దృష్టిలో పెట్టుకుని సీక్వెల్ కథను మరింత ఆసక్తికరంగా తీర్చిదిద్దినట్లు సమాచారం. యాక్షన్ ఎపిసోడ్స్తో పాటు కథలో మరిన్ని ఆసక్తికరమైన అంశాలను జోడించారట. దీంతో ఈ ప్రాజెక్ట్పై పవన్ కళ్యాణ్ కూడా ఆసక్తిగా ఉన్నట్లు టాక్.
అయితే పవన్ కళ్యాణ్ వ్యక్తిగత, రాజకీయ కార్యక్రమాల కారణంగా ఓజీ 2 షూటింగ్ షెడ్యూల్లో మార్పులు చోటుచేసుకున్నట్లు తెలుస్తోంది. వచ్చే ఏడాది సమ్మర్ తర్వాతే ఈ సీక్వెల్ చిత్రీకరణ ప్రారంభమయ్యే అవకాశం ఉందని సమాచారం. దీంతో అప్పటివరకు దర్శకుడు సుజీత్ తన మరో ప్రాజెక్ట్పై దృష్టి పెట్టనున్నట్లు తెలుస్తోంది. సుజీత్ ప్రస్తుతం నానితో ‘బ్లడీ రోమియో’ చిత్రాన్ని తెరకెక్కిస్తున్నారు. ఓజీ షూటింగ్ ప్రారంభమయ్యేలోపు ఈ సినిమాను పూర్తి చేయాలని ప్లాన్ చేశాడట. పవన్ పుట్టినరోజు సందర్భంగా సెప్టెంబర్లో ఓజీ 2 నుంచి అభిమానులకు ప్రత్యేక అప్డేట్ ఇవ్వాలని మేకర్స్ భావిస్తున్నట్లు టాక్ వినిపిస్తోంది.
మరోవైపు పవన్ కళ్యాణ్, దర్శకుడు సురేందర్ రెడ్డి కాంబినేషన్లో ప్రకటించిన మరో ప్రాజెక్ట్ ప్రస్తుతం ఆసక్తికరంగా మారింది. ఈ సినిమా ప్రస్తుతానికి హోల్డ్లో ఉన్నట్లు తెలుస్తోంది. ఇప్పటివరకు ఈ ప్రాజెక్ట్కు సంబంధించిన స్క్రిప్ట్ పూర్తిగా లాక్ కాలేదని సమాచారం. పవన్ సూచించిన మార్పులు, చేర్పులకు అనుగుణంగా సురేందర్ రెడ్డి స్క్రిప్ట్పై మరోసారి వర్క్ చేస్తున్నట్లు తెలుస్తోంది. కథను మరింత మెరుగ్గా తీర్చిదిద్దే ప్రయత్నాలు జరుగుతున్నాయని సమాచారం. దీంతో ఈ ప్రాజెక్ట్ భవిష్యత్తుపై కొంత సందిగ్ధత నెలకొంది. ఏదేమైనా ఓజీ విషయంలో మాత్రం అభిమానులు మరికొంత కాలం వేచి చూడాల్సిందే.