విదేశాల్లో నివసించడం చూడటానికి ఎంత ఆకర్షణీయంగా కనిపిస్తుందో, అక్కడ రోజువారీ జీవన వ్యయం అంతకంటే రెట్టింపు భారంగా ఉంటుంది. ముఖ్యంగా పిల్లల పెంపకం, చదువుల విషయానికి వస్తే ఖర్చులు చుక్కలు చూపిస్తాయి. తాజాగా అమెరికాలో నివసిస్తున్న ఒక భారతీయ మహిళ అక్కడ ప్రీ-స్కూల్ ఫీజుల వివరాలను సోషల్ మీడియాలో పంచుకోగా, అది నెటిజన్లను విస్మయానికి గురిచేస్తోంది.
భారతదేశంలో ప్రైవేట్ స్కూళ్ల ఫీజులు పెరుగుతున్నాయంటూ జరుగుతున్న చర్చలపై సదరు అమెరికన్ మహిళ స్పందించారు. నన్ను నమ్మండి, విద్యా ఖర్చుల విషయంలో అమెరికాలో పరిస్థితి భారతదేశం కంటే చాలా దారుణంగా ఉంటుంది అని ఆమె స్పష్టం చేశారు. అమెరికాలో కిండర్గార్టెన్, ప్రీ-స్కూల్ లేదా కాలేజీ విద్య కోసం చెల్లించే ఫీజులతో పోలిస్తే, ఇండియాలో లభించే విద్యా ప్రమాణాలు, వసూలు చేసే ఫీజులు చాలా సహేతుకంగా ఉన్నాయని ఆమె పేర్కొన్నారు.
అమెరికా vs ఇండియా: విద్యా ఖర్చులు
ఆమె వ్యాఖ్యల ప్రకారం.. అమెరికాలో పసిపిల్లల డే-కేర్ లేదా ప్రాథమిక విద్యకే నెలకు వేలాది డాలర్లు వెచ్చించాల్సి వస్తుంది. పైగా ఉన్నత విద్య కోసం విపరీతమైన అప్పులు చేయాల్సి వస్తుంది. అదే భారతదేశంలో అంతర్జాతీయ స్థాయి సౌకర్యాలు, నాణ్యమైన విద్యను అందించే పాఠశాలలు కూడా అమెరికా ఖర్చులతో పోలిస్తే చాలా తక్కువకే లభిస్తున్నాయని ఆమె ఉదాహరణలతో వివరించారు.
సోషల్ మీడియాలో వ్యక్తమవుతున్న అభిప్రాయాలు:
ఈ అమెరికన్ మహిళ పోస్ట్పై నెటిజన్లు రెండుగా విడిపోయి తమ అభిప్రాయాలను కామెంట్ల రూపంలో పంచుకుంటున్నారు. పాశ్చాత్య దేశాల్లో చదువుల భారంతో పోలిస్తే ఇండియాలో విద్యా ఖర్చులు తక్కువే అనేది నిజం అని పలువురు ఎన్నారైలు, నెటిజన్లు ఆమె వ్యాఖ్యలతో ఏకీభవించారు. మరికొందరు మాత్రం భారతీయ సగటు ఆదాయంతో పోల్చి చూస్తే ఇక్కడ కూడా ప్రైవేట్ స్కూళ్ల ఫీజులు మధ్యతరగతి కుటుంబాలకు తీవ్ర భారంగానే మారుతున్నాయి అని వాదిస్తున్నారు.
వీడియో ఇక్కడ చూడండి..
మహిళ చెప్పిన వివరాల ప్రకారం..
రెండు సంవత్సరాల పిల్లలకు ఫీజులు ఎక్కువగా ఉంటాయి.
ఆమె చెప్పిన ప్రకారం.. పిల్లల వయస్సు 2 సంవత్సరాలు అయితే, మీరు వారిని పాఠశాలకు పంపాలనుకుంటున్న రోజుల సంఖ్యను బట్టి వారి ఫీజు నిర్ణయించబడుతుంది. మీరు వారిని వారానికి 2 రోజులు పంపితే, వార్షిక ఫీజు $3,879 (సుమారు రూ. 5.70 లక్షలు) ఉంటుంది. అదేవిధంగా, మీరు వారిని వారానికి 3 రోజులు పంపితే, వార్షిక ఫీజు $5661 (సుమారు రూ. 5.40 లక్షలు), వారానికి 4 రోజులు పంపితే, ఫీజు $7452 (సుమారు రూ. 7.10 లక్షలు), వారానికి 5 రోజులు పంపితే, ఫీజు $9279 (సుమారు రూ. 8.44 లక్షలు) ఉంటుంది.
3 నుండి 5 సంవత్సరాల వయస్సు గల పిల్లలకు ఫీజు ఇలా ఉంటుంది..
మీ పిల్లల వయస్సు 3 నుండి 5 సంవత్సరాల మధ్య ఉంటే, వారి ఫీజులు ఈ విధంగా ఉంటాయి. వారానికి రెండు రోజులకు, వార్షిక ఫీజు $3,054 (సుమారు రూ. 2.91 లక్షలు). అదేవిధంగా, వారానికి మూడు రోజులకు, ఫీజు $4,353 (సుమారు రూ. 4.15 లక్షలు), వారానికి నాలుగు రోజులకు, ఫీజు $5,721 (సుమారు రూ. 5.45 లక్షలు), వారానికి ఐదు రోజులకు, ఫీజు $7,128 (సుమారు రూ. 6.80 లక్షలు) ఉంటుంది.
పొడిగించిన రోజులు పేరుతో అదనపు ఛార్జీలు..
రోజువారీ మూడు గంటల తరగతికి అదనంగా, తమ పిల్లలను ఎక్కువసేపు పాఠశాలలో ఉంచాలనుకునే తల్లిదండ్రుల నుండి రోజువారీగా అదనపు రుసుము వసూలు చేయబడుతుంది. ఆ ప్రకారం.. ఉదయం 7:30 నుండి 8:45 వరకు ఉండే ఎర్లీ రూమ్ కోసం రోజుకు $20.00 (సుమారు రూ. 1900) అదనపు రుసుము చెల్లించాలి. అదేవిధంగా, ఉదయం 11:45 నుండి మధ్యాహ్నం 1:30 వరకు (భోజన విరామం) ఉండే అదనపు సమయానికి రోజుకు $21.00 (సుమారు రూ. 2000) ఎక్ట్రా ఫీజ్ నిర్ణయించారు.
భారత్ లో SUV వాహనం ఖరీదు..
ఈ ఫీజుతో భారతదేశంలోని మారుతి సుజుకి బ్రెజ్జా ధరతో పోల్చి చూస్తే, ఆ అంకెలు ఆశ్చర్యపరుస్తాయి. భారతదేశంలో బ్రెజ్జా ప్రారంభ ధర సుమారు రూ.7.40 లక్షలు. అంటే, 2 సంవత్సరాల పిల్లవాడిని వారానికి నాలుగు రోజులు పాఠశాలకు పంపడానికి అయ్యే వార్షిక ఫీజు (రూ.7.10 లక్షలు)తో భారతదేశంలో బ్రెజ్జా బేస్ మోడల్ను కొనుగోలు చేయవచ్చు. అదే సమయంలో, వారానికి ఐదు రోజుల రుసుము (రూ.8.44 లక్షలు) బ్రెజ్జా ఆన్-రోడ్ ధరను మించిపోతుంది. అంటే, భారతదేశంలో ఒక విలాసవంతమైన SUVని కొనుగోలు చేయగల అదే మొత్తంతో, అమెరికాలోని ఒక పిల్లవాడు సంవత్సరానికి కేవలం 3 గంటలు మాత్రమే చదువుకోగలడు.
ఏది ఏమైనా, భారతదేశంలోని విద్యా సౌకర్యాలు, సరసమైన రుసుములను ఒక విదేశీయురాలు బహిరంగంగా కొనియాడటం ప్రస్తుతం సామాజిక మాధ్యమాల్లో వైరల్గా మారింది.