హైదరాబాద్ టోలీచౌకీలో ఘోర ప్రమాదం జరిగింది. టోలిచౌకీ లోని అల్ హస్నాత్ కాలనీలో భవన నిర్మాణ పనులు చేస్తుండగా..ఐదంతుస్థుల బిల్డింగ్ పై నుంచి ఐదుగురు కార్మికులు కిందపడ్డారు. ఈ ఘటనలో స్పాట్ లోనే ముగ్గురు మృతి చెందగా..మరో ఇద్దరికి తీవ్ర గాయాలయ్యాయి. నూతన భవనానికి గోవా కర్రలు కట్టి వాటిపై నిలబడి పనులు చేస్తుండగా ఒక్కసారిగా కట్టెలు కూలడంతో ఈ ప్రమాదం జరిగింది.
స్థానికుల సమాచారంతో వచ్చిన రెస్క్యూ టీం సహాయక చర్యలు కొనసాగిస్తున్నారు. గాయపడ్డ వారిని స్థానిక ఆస్పత్రికి తరలించారు. కేసు నమోదు చేసి దర్యాప్తు చేస్తున్నారు.