మహబూబాబాద్ జిల్లాలో దారుణం జరిగింది. జిల్లాలోని తొర్రూరు పట్టణంలో చికిత్స కోసం ఆసుపత్రికి వెళ్లిన యువతితో అనుచితంగా ప్రవర్తించిన డాక్టర్ పై దాడి చేశారు ఆమె కుటుంబసభ్యులు. ఆదివారం ( మార్చి 15 ) జరిగిన ఈ ఘటనకు సంబంధించి వివరాలిలా ఉన్నాయి.. తొర్రూరు పట్టణంలో డాక్టర్ కిరణ్ కుమార్ విజయలక్ష్మి హాస్పిటల్ నిర్వహిస్తున్నారు. హాస్పిటల్ కు జ్వరంతో బాధపడుతూ చికిత్స కోసం వచ్చింది ఓ యువతి.
చికిత్స కోసం వచ్చిన యువతితో అనుచితంగా ప్రవర్తించాడు కిరణ్ కుమార్. ఈ విషయం తెలుసుకున్న యువతి కుటుంబసభ్యులు ఆసుపత్రి దగ్గరికి చేరుకొని డాక్టర్ పై దాడి చేశారు. సమాచారం అందుకున్న పోలీసులు ఘటనాస్థలానికి చేరుకొని డాక్టర్ ను అదుపులోకి తీసుకున్నారు.
►ALSO READ | ఖమ్మం జిల్లాలో దారుణం: HM మందలించిందని.. ఆశ్రమ పాఠశాల విద్యార్థిని ఆత్మహత్య..
చికిత్స కోసం వచ్చిన పేషెంట్స్ పట్ల అనుచితంగా ప్రవర్తించే ఇలాంటి డాక్టర్లు వైద్య వృత్తికే మాయని మచ్చ అని.. ఇలాంటి ఘటనలు పునరావృతం కాకుండా కఠిన చర్యలు తీసుకోవాలని కోరుతున్నారు బాధితురాలి కుటుంబసభ్యులు.