Tamil Cinema : హిట్ కొట్టు.. కార్లు పట్టు.. కోలీవుడ్ కొత్త కల్చర్
కెరీర్లోనే హయ్యెస్ట్ గ్రాసర్ చిత్రాన్ని మన శంకర్ వరప్రసాద్ రూపంలో అందించినందుకు అనిల్ రావిపూడికి రోంజ్ రోవర్ కార్ బహుమతిగా ఇచ్చారు మెగాస్టార్ చిరంజీవి. అంతకు ముందు ఓజీ సక్సెస్ అయ్యినందుకు దర్శకుడు సుజిత్కు కార్ గిఫ్ట్గా అందించాడు పవన్. టాలీవుడ్లో ఎప్పటి నుండో ఉన్న ఈ థోరణి కోలీవుడ్లోకి పాకి పీక్స్కు చేరింది. సినిమా సక్సెస్ కాగానే.. డైరెక్టర్ అండ్ టెక్నీషియన్స్కు గిఫ్ట్స్ రూపంలో ఖరీదైన కార్లు పంచేస్తున్నారు అక్కడి హీరోస్ అండ్ మేకర్స్.
కరుప్పుతో బ్లాక్ బస్టర్ అండ్ ఆల్ టైం హయెస్ట్ గ్రాసర్ మూవీ చూసినందుకు ఆర్జే బాలాజీతో పాటు కంపోజర్ సాయి అభ్యంకర్తో పాలు పలువురు టెక్నీషియన్స్కు కాస్ట్ లీ కార్స్ గిఫ్టుగా పంచాడు సూర్య. సూర్యని చూసి ఇన్ స్పైరైన శివకార్తీకేయన్ తను నిర్మించిన థాయి కిళవి బ్లాక్ బస్టర్ హిట్ కొట్టడంతో దర్శకుడు శివకుమార్ మురుగేషన్కు కారు గిఫ్టుగా ఇచ్చి సర్ ప్రైజ్ చేశాడు. తాజాగా వేల్స్ ఫిల్మ్ ఇంటర్నేషనల్ అధినేత ఈషారీ కె గణేష్ కూడా గట్టాకుస్తీ2 హిట్ కొట్టినందుకు హీరో విష్ణు విశాల్కు ఓ కారు బహుమతిగా ఇచ్చాడు. రీసెంట్లీ రిలీజైన ఈ సినిమా డీసెంట్ కలెక్షన్స్ రాబట్టుకుంటోంది. విష్ణు విశాల్ పనితనం మెచ్చి కాస్ట్ లీ కార్ గిఫ్ట్స్ ఇచ్చి తమ బంధాన్ని మరింత బలోపేతం చేసుకుంటున్నాడు ప్రొడ్యూసర్. అలాగే ఫ్యూచర్లో అతడితో సినిమాలు చేస్తానంటూ ప్రకటించేశాడు. మొత్తానికి హిట్ కొట్టు, కార్లు పట్టు స్కీమ్ కోలీవుడ్లో బాగా వర్కౌట్ అయినట్లే ఉంది.
