భయపడితే ఎందుకు వణుకు వస్తుంది?.. చాలామందికి తెలియని సైన్స్ సీక్రెట్!

జీవితంలో ఏదో ఒక సందర్భంలో అకస్మాత్తుగా భయపడి చేతులు, కాళ్లు వణకడం మనమంతా గమనించే ఉంటాం. పీడకలలు వచ్చినప్పుడో చీకట్లో ఒంటరిగా ఉన్నప్పుడో ఒళ్లు జలదరించడం సహజం. అయితే భయం అనేది కేవలం మనసుకు సంబంధించిన భావన మాత్రమే కాదు.. దాని వెనుక ఒక పెద్ద సైన్స్ సీక్రెట్ దాగుంది. భయం వేసినప్పుడు మన శరీరంలో ఎలాంటి కెమికల్ రియాక్షన్స్ జరుగుతాయో అసలు ఆ వణుకు ఎందుకు వస్తుందో ఇప్పుడు సింపుల్‌గా తెలుసుకుందాం..

మెదడు పంపే అత్యవసర సంకేతాలు: మనకు ఏదైనా ప్రమాదం లేదా ముప్పు ఎదురైనప్పుడు మన మెదడులోని ‘అమిగ్డాలా’ అనే భాగం అప్రమత్తం అవుతుంది. ఇక ఇది వెంటనే శరీరానికి ఆత్మరక్షణ సంకేతాలను పంపుతుంది. ఈ ప్రాసెస్ లో శరీరంలో ‘అడ్రినలిన్’ అనే హార్మోన్ ఒక్కసారిగా భారీగా విడుదలవుతుంది. దీనివల్ల గుండె వేగంగా కొట్టుకోవడం శ్వాస వేగం పెరగడం వంటి మార్పులు తక్షణమే జరుగుతాయి.

కండరాల బిగుతు.. చేతుల వణుకు: అడ్రినలిన్ హార్మోన్ విపరీతంగా విడుదల కావడం వల్ల మన శరీరంలోని కండరాలన్నీ ఒక్కసారిగా బిగుసుకుపోతాయి. ఇక ఈ అకస్మాత్తు ఒత్తిడి కారణంగానే చేతులు, కాళ్లు వణకడం ప్రారంభమవుతుంది. నిజానికి ఇది మన శరీరం ప్రమాదాన్ని ఎదుర్కొనేందుకు లేదా అక్కడ నుండి తప్పించుకోవడానికి ఎక్కువ శక్తిని ఉత్పత్తి చేస్తూ తనను తాను సిద్ధం చేసుకునే ఒక సహజమైన రక్షణ చర్య.

ఇక భయం వేసినప్పుడు వణుకు రావడం అనేది మన శరీరం మనల్ని కాపాడుకోవడానికి చేసే ఒక అద్భుతమైన శాస్త్రీయ ప్రక్రియ. ప్రమాదం ముగిసిపోయి, మనసు ప్రశాంతం అవ్వగానే ఈ వణుకు కూడా అప్రయత్నంగా తగ్గిపోతుంది.

గమనిక: భయపడినప్పుడు వణుకు రావడం నార్మల్ విషయమే అయినప్పటికీ.. ఎలాంటి కారణం లేకుండానే పదే పదే చేతులు వణకడం, కంగారు పడటం వంటివి జరుగుతుంటే మాత్రం ఒకసారి వైద్య నిపుణులను సంప్రదించి సలహా తీసుకోవడం మంచిది.

The post భయపడితే ఎందుకు వణుకు వస్తుంది?.. చాలామందికి తెలియని సైన్స్ సీక్రెట్! appeared first on Manalokam – Latest Telugu News & Updates.