Beauty Tips: అప్పట్లో రాణుల బ్యూటీ సీక్రెట్ ఇదే.. ఈ 5 చిట్కాలతో మీరు అలా అందంగా మారిపోండి!

కుంకుమాది తైలం: చర్మాన్ని మెరిసేలా మార్చడానికి, వృద్ధాప్య ఛాయలను తగ్గించడానికి కుంకుమాది తైలం చాలా బాగా పనిచేస్తుంది. రాజుల కాలంలో పృథ్వీరాజ్ చౌహాన్ భార్య రాణి సంయుక్త సైతం చర్మ సౌందర్యం కోసం రాత్రి పడుకునే ముందు ఈ నూనెను రాసుకునేవారని చెబుతారు. కుంకుమపువ్వు, మేక పాలు, చందనం, మంజిష్ఠ వంటి మూలికలతో తయారు చేసే ఈ నూనె నల్లటి మచ్చలు, పిగ్మెంటేషన్, ముడతలను తగ్గించి చర్మానికి మంచి తేమను ఇస్తుంది.

హెర్బల్ ఫేస్ ప్యాక్ : దీనినే ఉబ్తాన్ ఫేస్ ప్యాక్ అనికి కూడా పిలుస్తారు. శనగపిండి, పసుపు, రోజ్ వాటర్ కలిపి తయారుచేసే సాంప్రదాయ ఆయుర్వేద ఫేస్ మాస్క్‌ చర్మాన్ని మృదువుగా మార్చడానికి, మృతకణాలను, జిడ్డును తొలగించడానికి సహాయపడుతుంది. తద్వారా చర్మాన్ని సహజంగా మెరిసేలా చేస్తుంది.

ఆయుర్వేద నూనెలు: కేవలం చర్మం మాత్రమే కాదు.. జుట్టు సంరక్షణలో కూడా ఆయుర్వేద చిట్కాలు చాలా బాగా పనిచేస్తాయి. ముఖ్యంగా ప్రకృతిలో దొరికే భృంగరాజ్, ఉసిరి, వేప వంటి మూలికలతో తయారు చేసే ఆయుర్వేద నూనెలను జుట్టుకు పట్టించి మసాజ్ చేయడం ద్వారా రక్తప్రసరణను మెరుగుపడి, ఒత్తిడిని తగ్గడమే కాకుండా.. జుట్టు రాలడం, చిన్న వయసులోనే జుట్టు తెల్లబడటాన్ని తగ్గిస్తుంది. అంతేకాదు జుట్టును ఒత్తుగా, నల్లగా మారుతుంది.

కాటుక: జనాలు ఇప్పుడంటే మార్కెట్‌ దొరికే కాటుకలు, కాజోల్‌ల వాడుతున్నారు. కానీ మన ప్రాచీన కాలంలో భారతీయ మహిళలు బాదం నూనె, కర్పూరంతో ఇంట్లోనే సహజసిద్ధంగా కాటుకను తయారు చేసుకునే వారు. అలా చేసిన దాన్నే కళ్లకు పెట్టుకునేవారు. ఇది కళ్ల అందాన్ని పెంచడమే కాకుండా, కంటి ఇన్ఫెక్షన్ల నుండి రక్షణ కల్పించి, కళ్లకు చలవను కూడా ఇస్తుంది.

చర్మ హైడ్రేషన్ : మన బాడీని హైడ్రెడ్‌గా ఉంచేందుకు నీరు ఎలా అవసరమో మన చర్మం హైడ్రేషన్‌ కోసం రోజ్‌ వాటర్ కూడా అంతే ముఖ్యం. రోజ్ వాటర్ అప్పట్లో ఒక ముఖ్యమైన సౌందర్య సాధనంగా వాడేవారు. దీనిని చర్మాన్ని హైడ్రేట్ చేయడానికి, రిఫ్రెష్ చేయడానికి, చర్మ రంధ్రాలను బిగుతుగా ఉంచడానికి టోనర్‌లా ఉపయోగించేవారు. ఇప్పటికీ చాలా మంది దీనిని బ్యూటీ ప్రాడక్ట్స్‌లో వాడుతున్నారు. కాబట్టి, ఈ ఆయుర్వేద రహస్యాలను పాటించి మీ సహజ సౌందర్యాన్ని పెంపొందించుకోండి.