FIFA World Cup 2026: ఎంబాప్పే మాయ.. వరుసగా మూడో ప్రపంచకప్లో సెమిస్ లోకి ఫ్రాన్స్ ఎంట్రీ.!
FIFA World Cup 2026: ఫిఫా వరల్డ్ కప్ 2026లో డిఫెండింగ్ రన్నరప్ ఫ్రాన్స్ మరోసారి ట్రోఫీ కైవసం చేసుకోవడానికి మరో రెండడుగుల దూరంలో నిలిచింది. బోస్టన్ వేదికగా జరిగిన క్వార్టర్ ఫైనల్ మ్యాచ్లో మొరాకోను 2-0 తేడాతో ఓడించి వరుసగా మూడో ప్రపంచకప్లో సెమీఫైనల్కు అర్హత సాధించింది. యాసిన్ బొనౌ అద్భుతమైన గోల్కీపింగ్తో గంటకు పైగా ఫ్రాన్స్ను నిలువరించినా.. చివర్లో కిలియన్ ఎంబాప్పే మెరుపులతో మ్యాచ్ పూర్తిగా ఫ్రాన్స్ వైపు మళ్లింది.
మ్యాచ్ ఆరంభం నుంచి ఫ్రాన్స్ వరుస దాడులతో మొరాకోను ఇబ్బంది పెట్టింది. మొరాకో గోల్కీపర్ యాసిన్ బొనౌ అద్భుత సేవ్ లతో ఫ్రాన్స్కు గోల్ దక్కకుండా నిలువరించాడు. ఎంబాప్పే తీసిన పెనాల్టీని కూడా అడ్డుకోవడంతో మొరాకోకు ఆశలు చిగురించాయి. అయితే 60వ నిమిషంలో ఎంబాప్పే బాక్స్ బయటి నుంచి అద్భుతమైన కర్లింగ్ షాట్తో గోల్ సాధించి ఫ్రాన్స్కు ఆధిక్యం అందించాడు. 6 నిమిషాల వ్యవధిలోనే ఉస్మాన్ డెంబెలే మరో గోల్ చేయడంతో ఫ్రాన్స్ 2-0తో ముందంజ వేసి మ్యాచ్పై పూర్తి ఆధిపత్యం సాధించింది.
మ్యాచ్ మొత్తం ఫ్రాన్స్ దాదాపు పూర్తి ఆధిపత్యం ప్రదర్శించింది. 20 సార్లు గోల్ ప్రయత్నాలు చేయగా.. లూకాస్ డిగ్నే కొట్టిన షాట్ క్రాస్బార్ను తాకింది. బొనౌ పలు అద్భుత సేవ్లు చేయకపోయి ఉంటే స్కోరు మరింత భారీగా ఉండేది. ఇక మొరాకో మాత్రం 83వ నిమిషంలోనే తొలిసారి ఫ్రాన్స్ గోల్కీపర్ మైక్ మైగ్నాన్ను ఇబ్బంది పెట్టింది. మొత్తం మ్యాచ్లో ఫ్రాన్స్ రక్షణను ఛేదించే అవకాశాలు మొరాకోకు చాలా తక్కువగా లభించాయి.
77వ నిమిషంలో ఎంబాప్పే మైదానంలో కిందపడటంతో ఫ్రాన్స్ అభిమానులు కాసేపు ఆందోళనకు గురయ్యారు. అయితే ఆయన ఎలాంటి అసౌకర్యం లేకుండా మైదానం వీడి ప్రేక్షకులకు అభివాదం చేస్తూ బెంచ్ వైపు వెళ్లడంతో సెమీఫైనల్కు ముందు పెద్ద గాయం లేదనే సంకేతాలు కనిపించాయి. ఈ ప్రపంచకప్లో ఫ్రాన్స్ కేవలం ఎంబాప్పేపై ఆధారపడే జట్టుగా కనిపించడం లేదు. మైఖేల్ ఒలిసే, డిజైర్ డౌయే, డెంబెలే, డయోట్ ఉపామెకానో, లూకాస్ డిగ్నే వంటి ఆటగాళ్లు ప్రతి విభాగంలో అద్భుత ప్రదర్శన చేస్తున్నారు. కోచ్ డిడియర్ డెషాంప్స్ అవసరానికి తగ్గట్టు వ్యూహాలను మార్చడం, ప్రత్యర్థికి అనుగుణంగా ఆటతీరును మలచడం ఫ్రాన్స్ను మరింత ప్రమాదకర జట్టుగా మార్చింది.
మొరాకో మరోసారి క్రమశిక్షణతో కూడిన ఆటను ప్రదర్శించినప్పటికీ.. చివరి దశలో గోల్స్ చేసే ఆటగాడి కొరత స్పష్టంగా కనిపించింది. బ్రహీమ్ డియాజ్, అజ్జెదీన్ ఔనాహి, అచ్రఫ్ హకిమి మంచి అవకాశాలు సృష్టించినా వాటిని గోల్స్గా మలచలేకపోయారు. కెనడాతో జరిగిన మ్యాచ్లో హ్యామ్ స్ట్రింగ్ గాయానికి గురైన బేయర్న్ మ్యూనిచ్ స్టార్ ఫార్వర్డ్ లేకపోవడం మొరాకోపై తీవ్ర ప్రభావం చూపింది. అతని గైర్హాజరీలో దాడులు సరిగా జరగలేదు.
ఈ మ్యాచ్లో గోల్తో ఎంబాప్పే ఈ ప్రపంచకప్లో తన గోల్స్ సంఖ్యను ఎనిమిదికి చేర్చాడు. గోల్డెన్ బూట్ రేసులో లియోనెల్ మెస్సీతో సమానంగా నిలిచాడు. అలాగే ప్రపంచకప్ల్లో మొత్తం 20 గోల్స్ సాధించిన ఫ్రాన్స్ ఆటగాడిగా తన రికార్డును మరింత బలపరుచుకున్నాడు. 1966 తర్వాత రెండు వేర్వేరు ప్రపంచకప్లలో ఎనిమిది లేదా అంతకంటే ఎక్కువ గోల్స్ చేసిన తొలి ఆటగాడిగా కూడా ఎంబాప్పే నిలిచాడు. ప్రపంచకప్ నాకౌట్ మ్యాచ్లలో అతని గోల్ భాగస్వామ్యాల సంఖ్య 13కు చేరుకుంది.
2018లో ప్రపంచకప్ విజేతగా నిలిచిన ఫ్రాన్స్, 2022లో రన్నరప్గా నిలిచింది. ఇప్పుడు వరుసగా మూడోసారి సెమీఫైనల్కు చేరి మరోసారి ట్రోఫీపై కన్నేసింది. సెమీఫైనల్లో స్పెయిన్ లేదా బెల్జియంతో తలపడనున్న ఫ్రాన్స్.. ఇదే ఫామ్ కొనసాగిస్తే టైటిల్కు అత్యంత బలమైన జట్టుగా నిలిచే అవకాశాలు కనిపిస్తున్నాయి. ప్రస్తుతం ఫ్రాన్స్ ఆటతీరు, జట్టు బలం, వ్యూహాత్మక మార్పులు, ఎంబాప్పే వంటి మ్యాచ్ విన్నర్తో టైటిల్ ఫెవరెట్ గా మారింది.
Mbappe goal is world class.
pic.twitter.com/l7hH7bzhh6 https://t.co/dAL97qixWk
— RUTH
(@it_Rutie) July 9, 2026
