నీళ్లు, వేడి ఈ ఫోన్‌ను ఏం చేయలేవు! అదిరే డ్యూరబిలిటీతో ఒప్పో స్మార్ట్ ఫోన్ ఫీచర్లు ఇవే

ఒప్పో A6s ప్రో స్మార్ట్‌ఫోన్ లో 6.57 అంగుళాల ఎఫ్.హెచ్.డి ప్లస్ అమోలెడ్ డిస్‌ప్లేను అందించారు. ఇది 120 హెర్ట్జ్ రిఫ్రెష్ రేట్‌తో పని చేయడం వల్ల విజువల్స్ ఎంతో స్మూత్ గా కనిపిస్తాయి. దీని పీక్ బ్రైట్‌నెస్ 1400 నిట్స్ వరకు ఉండటం వల్ల ఎండలో కూడా స్క్రీన్ స్పష్టంగా కనిపిస్తుంది. పనితీరు విషయానికి వస్తే ఇది మీడియాటెక్ డిమెంసిటీ 6360 మాక్స్ ప్రాసెసర్‌ పై రన్ అవుతుంది. మొబైల్ ఎక్కువ సమయం హీట్ కాకుండా ఉండటానికి ఇందులో 4300mm² వీసీ కూలింగ్ సిస్టమ్‌ ను ఏర్పాటు చేశారు.

ఇందులో 12GB వరకు ర్యామ్ ఇంకా 512GB వరకు భారీ స్టోరేజ్ ఆప్షన్లు అందుబాటులో ఉన్నాయి. ఇది మల్టీ టాస్కింగ్ చేసే వారికి ఎంతో సౌకర్యంగా ఉంటుంది. కేవలం ఫీచర్ల పరంగానే కాకుండా దృఢత్వం విషయంలో కూడా ఈ ఫోన్ కొత్త రికార్డులను సృష్టిస్తోంది. ముఖ్యంగా సాహసాలు చేసే వారికి ఇంకా ఫోన్‌ను రఫ్ గా వాడే వారికి ఇది ఒక అద్భుతమైన ఎంపిక కానుంది.

బ్యాటరీ సామర్థ్యం

ఈ మొబైల్ ప్రధాన ఆకర్షణ దీని డ్యూరబిలిటీ. ఐపీ 68 ఇంకా ఐపీ 69 వంటి రేటింగ్స్‌తో వస్తున్న ఈ ఫోన్ నీరు ఇంకా దుమ్ము నుండి పూర్తి రక్షణ కల్పిస్తుంది. ఎనభై ఐదు డిగ్రీల సెల్సియస్ ఉష్ణోగ్రత వద్ద వచ్చే హై ప్రెషర్ వాటర్ జెట్స్‌ను కూడా ఇది తట్టుకోగలదు. అంతేకాకుండా దీనిని మిలిటరీ స్టాండర్డ్ టెస్టులతో ధృవీకరించారు. అంటే కింద పడినా లేదా కఠినమైన వాతావరణంలో ఉన్నా ఈ ఫోన్ అస్సలు దెబ్బతినదు. ఇక బ్యాటరీ విషయానికి వస్తే ఇందులో ఏకంగా 7000mAh భారీ బ్యాటరీని అమర్చారు. దీనికి తోడు 80W సూపర్ ఫాస్ట్ ఛార్జింగ్ సపోర్ట్ ఉండటం వల్ల అతి తక్కువ సమయంలోనే ఫోన్ పూర్తి ఛార్జ్ అవుతుంది. ఒక్కసారి ఛార్జ్ చేస్తే రెండు రోజుల పాటు నిరంతరంగా వాడుకోవచ్చు.

డిజైన్ పరంగా కూడా ఈ ఫోన్ చాలా ప్రత్యేకంగా కనిపిస్తుంది. ఇది మూడు రకాల విభిన్న వేరియంట్లలో అందుబాటులో ఉంది. రైజింగ్ టు ప్రొమినెన్స్ వేరియంట్‌లో 3D లైట్ సెన్సింగ్ టెక్నాలజీని వాడగా గుడ్ లక్ లోటస్ వేరియంట్‌లో ఫాంటమ్ కలర్ ఎల్‌సీడీ టెక్నాలజీని ఉపయోగించారు. నైట్ స్కై నుండి ప్రేరణ పొంది మూన్ షైన్ బ్లూ రంగును రూపొందించారు. కెమెరా విభాగంలో 50MP ప్రధాన కెమెరాతో పాటు సెల్ఫీల కోసం 16MP ఫ్రంట్ కెమెరాను అందించారు. ధరల విషయానికి వస్తే బేసిక్ వేరియంట్ సుమారు రూ.30,000 నుండి ప్రారంభమై టాప్ వేరియంట్ రూ.40,900 వరకు ఉంటుంది.

భారత మార్కెట్‌లో ఈ ఫోన్ ఒప్పో F33 ప్రో పేరుతో ఏప్రిల్ 15న విడుదల కానుంది. అంటే మరో కొన్ని రోజుల్లోనే భారతీయ వినియోగదారులకు కూడా ఈ ప్రీమియం డ్యూరబిలిటీ ఫోన్ అందుబాటులోకి రానుంది. దృఢత్వం ఇంకా బ్యాటరీ బ్యాకప్ కోరుకునే వారికి ఇది సరైన మొబైల్ అని చెప్పవచ్చు. తక్కువ ధరలో ఎక్కువ ఫీచర్లు అందిస్తూ ఒప్పో మరోసారి తన మార్క్ చాటుకుంది. అద్భుతమైన డిజైన్ తో పాటు అత్యాధునిక టెక్నాలజీ కలగలిసిన ఈ ఫోన్ మార్కెట్లో ఏ తరహా ప్రభావాన్ని చూపుతుందో చూడాలి. వినియోగదారుల అవసరాలను దృష్టిలో ఉంచుకుని రూపొందించిన ఈ మొబైల్ ఖచ్చితంగా అందరినీ అలరిస్తుంది.