Queen of Fruits: పండ్లలో రాజు ఎవరని ఎవరైనా అడిగితే.. వెంటనే ఒక్క సెకను కూడా ఆలోచించకుండా ‘‘మామిడి పండు’’ అని చెబుతారు.. మామిడి పండు అద్భుతమైన రుచి, సువాసనకే కాక అపారమైన పోషకాలకు ప్రసిద్ధి.. అందుకే.. దీనిని పండ్లల్లోనే రారాజుగా అభివర్ణిస్తారు. వాస్తవానికి మామిడిని ఇష్టపడని వ్యక్తులు ఉండటం చాలా కష్టం.. అంతలా మామిడి మన మనసును దోచుకుంది.. అయితే.. పండ్లల్లో రాజు మామిడి లాగే.. పండ్లల్లో రాణి ఎవరు..? అని ఎప్పుడైనా ఆలోచించారా..? చాలా మంది ఆలోచిస్తారు కానీ.. పెద్దగా పట్టించుకోరు.. పండ్లలో రాజు ఉంటే, మరి పండ్ల రాణి ఎవరు..? ఆ రాణి పేరు ఏంటి..? అనే వివరాలు చాలా మందికి తెలియదు.. కానీ.. పండ్ల రాణి కూడా ఉందండోయ్.. ఈ పండు అన్ని పండ్ల కంటే.. చాలా ప్రత్యేకమైనది.. ఈ ప్రత్యేక పండు గురించిన ఆసక్తికర విశేషాలు, దాని ఆరోగ్య ప్రయోజనాలను ఈ కథనంలో తెలుసుకుందాం..
100లో 99.90 శాతం మందికి ఈ విషయం తెలియదు.. కానీ, పండ్ల రాణి అని.. మాంగోస్టీన్ అనే పండును అంటారు. మాంగోస్టీన్ పండ్ల రాణి గురించి అతి తక్కువ మందికి మాత్రమే తెలుసుంటుందని పేర్కొంటున్నారు.
పండ్ల రాణి: మాంగోస్టీన్ (Mangosteen) ప్రత్యేకతలు ఇవే..
అద్భుతమైన రుచి, ప్రత్యేకమైన ఆకృతి, విశేష పోషక విలువల కారణంగా మాంగోస్టీన్ (వంగమామిడి) పండును ప్రపంచవ్యాప్తంగా “పండ్ల రాణి” (Queen of Fruits) అని పిలుస్తారు. ఇది సాధారణంగా ఆగ్నేయాసియా దేశాలైన థాయిలాండ్, మలేషియా, సింగపూర్ వంటి ప్రాంతాలలో ఎక్కువగా పండుతుంది. ఇది థాయిలాండ్ దేశపు జాతీయ పండు కూడా. దీని శాస్త్రీయ నామం ‘గార్సినియా మాంగోస్తానా’.
రుచి.. రంగు..
ఈ పండు పైభాగం ముదురు ఊదా (Purple) రంగులో గట్టిగా ఉంటుంది. కానీ లోపల ఉండే గుజ్జు మాత్రం తెల్లగా, మృదువుగా ఉండి అద్భుతమైన తీపి, వగరు, పులుపుల కలయికతో కూడిన అద్భుతమైన రుచిని కలిగి ఉంటుంది. దీని రుచిని స్ట్రాబెర్రీ, పీచ్, సిట్రస్ పండ్ల కలయికగా అభివర్ణిస్తారు. 19వ శతాబ్దంలో బ్రిటన్ రాణి క్వీన్ విక్టోరియాకు ఈ పండు రుచి ఎంతగానో నచ్చడంతో, దీనికి ‘పండ్ల రాణి’ అనే పేరు వచ్చిందనే చారిత్రక కథనం కూడా ప్రచారంలో ఉంది.
మాంగోస్టీన్ ఆరోగ్య ప్రయోజనాలు:
యాంటీఆక్సిడెంట్లు పుష్కలం: మాంగోస్టీన్లో ‘జాంతోన్స్’ (Xanthones) అనే శక్తివంతమైన యాంటీఆక్సిడెంట్లు ఉంటాయి. ఇవి శరీరంలోని కణాల నష్టాన్ని నివారించి, క్యాన్సర్, గుండె జబ్బుల ప్రమాదాన్ని తగ్గిస్తాయి.
రోగనిరోధక శక్తి పెరుగుదల: ఇందులో విటమిన్ సి, ఫైబర్ అధికంగా ఉండటం వల్ల శరీర రోగనిరోధక శక్తిని (Immunity) పటిష్టం చేస్తుంది. జలుబు, దగ్గు వంటి ఇన్ఫెక్షన్ల నుండి రక్షణ కల్పిస్తుంది.
యాంటీ ఏజింగ్ గుణాలు: చర్మంపై ముడతలు రాకుండా కాపాడటంలో, చర్మాన్ని యవ్వనంగా ఉంచడంలో ఇది సహాయపడుతుంది.
షుగర్, బరువు నియంత్రణ: రక్తంలో చక్కెర స్థాయిలను క్రమబద్ధీకరించడానికి, స్థూలకాయాన్ని (బరువు తగ్గడానికి) తగ్గించడానికి ఈ పండు ఎంతో మేలు చేస్తుందని నిపుణులు చెబుతున్నారు.
మామిడి పండులాగే ఎన్నో పోషకాలు ఉన్న ఈ మాంగోస్టీన్ పండు నిజంగానే పండ్ల ప్రపంచానికి రాణి అని ఆహార నిపుణులు పేర్కొంటున్నారు. ఏదీఏమైనా దీని రుచి అద్భుతమని.. ఒక్కసారైనా టేస్ట్ చూడాలని చెబుతున్నారు.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి..