సినిమా ఇండస్ట్రీలో నటీమణులు ఎదుర్కొనే ఇబ్బందులు, వేధింపుల గురించి తరచూ చర్చ జరుగుతూనే ఉంటుంది. ముఖ్యంగా మీటూ ఉద్యమం తర్వాత ప్రముఖ హీరోయిన్లు, నటీమణులు తమకు ఎదురైన చేదు అనుభవాలను బహిరంగంగా పంచుకుంటున్నారు. ఇప్పుడు ఈ జాబితాలోకి మరో స్టార్ నటి చేరింది. మలయాళ సినిమా పరిశ్రమకు చెందిన ప్రియా బాపట్ తన కెరీర్ ప్రారంభంలో ఎదురైన వేధింపులను గుర్తు చేసుకుని బాగా ఎమోషనలైంది. ఓ పాట షూటింగ్ సమయంలో తన కో-యాక్టర్ స్క్రిప్ట్లో లేని సన్నివేశాలను ఇంప్రొవైజేషన్ పేరుతో చేయడమే కాకుండా పదేపదే బలవంతంగా ముద్దుపెట్టుకున్నాడని ప్రియా వాపోయింది. ‘ ఒక సినిమా షూటింగ్ లో పాట చిత్రీకరణ సమయంలో స్క్రిప్ట్లో ఎక్కడా కిస్సింగ్ సీన్స్ లేవు. అయినప్పటికీ నా సహనటుడు ఇంప్రొవైజేషన్ పేరుతో లిమిట్స్ దాటాడు. కెమెరా ముందే పదేపదే నన్ను ముద్దుపెట్టుఉకున్నాడు. అప్పుడు సెట్లో పెద్ద సంఖ్యలో సిబ్బంది ఉండటం, నేను కొత్తగా ఇండస్ట్రీలో అడుగుపెట్టడం వంటి కారణాలతో వెంటనే స్పందించలేకపోయాను’.
‘ఆ సమయంలో నాకు ఎలా రియాక్ట్ అవ్వాలో తెలియలేదు. అతడిని అడ్డుకోవాలా, డైరెక్టర్కు చెప్పాలా, లేక షూటింగ్ ఆపాలా అనే అయోమయంలో ఉండిపోయాను. కెమెరా ముందే పదేపదే నన్ను ముద్దు పెడుతుంటే చాలా అవమానంగా అనిపించింది. కానీ నా ఎమోషన్స్ ను దాచుకుని నటించాల్సి వచ్చింది. ఆ ఘటన గుర్తుకొచ్చినప్పుడల్లా ఇప్పటికీ బాధ కలుగుతుంది. కొన్ని సందర్భాల్లో కన్నీళ్లు కూడా వచ్చాయి. ఆ హీరో వేధింపులు అక్కడితో ఆగలేదు. ఒకే హోటల్లో వేర్వేరు గదుల్లో ఉంటున్నప్పటికీ ప్రతిరోజూ నన్ను బ్రేక్ఫాస్ట్ లేదా డిన్నర్కు రావాలని ఒత్తిడి చేసేవాడు. నేను నో అని చెప్పినప్పటికీ అతనిలో మార్పు రాలేదు’.
ప్రియా బాపట్ గ్లామరస్ ఫొటోస్..
‘ఒక రోజు రాత్రి నా గది వద్దకు వచ్చి తలుపు తట్టాడు. దీంతో నేను తీవ్ర భయాందోళనకు గురయ్యాను. నేను వెంటనే రేపు కలుద్దామని చెప్పి అప్పుడు తప్పించుకున్నాను. ఆ తర్వాత వెంటనే నా భర్త కు ఫోన్ చేసి జరిగిన విషయాలన్నీ చెప్పాను. దీంతో మా ఆయన వెంటనే నా దగ్గరకు వచ్చేశాడు. మూడు రోజుల పాటు నాతోనే ఉండి ధైర్యం చెప్పాడు. కుటుంబ సభ్యుల మద్దతు లేకపోతే సినిమా ఇండస్ట్రీలో మనుగడ సాగించలేం’ అని ప్రియా బాపట్ చెప్పుకొచ్చింది. ప్రస్తుతం ఈ నటి కామెంట్స్ నెట్టింట వైరల్ గా మారాయి.
మరిన్ని సినిమా వార్తల కోసం ఇక్కడ క్లిక్ చేయండి