షేర్ మార్కెట్ అంటేనే అప్ అండ్ డౌన్స్. ఇన్వెస్టర్ల మైండ్ సెట్ కూడా అంతే. ఏప్రిల్లో ఓ రేంజ్లో దూసుకుపోయిన మ్యూచువల్ ఫండ్ పెట్టుబడులు.. మే నెల వచ్చేసరికి కాస్త రూట్ మార్చాయి. అసలు మే నెలలో ఇన్వెస్టర్లు ఏ ఫండ్స్ వైపు మొగ్గు చూపారు? ఎక్కడ వెనక్కి తగ్గారు? అసలు ట్రెండ్ ఎలా ఉందో క్రేజీగా చూసేద్దాం రండి..
ఈక్విటీ ఫండ్స్: వేగం తగ్గినా.. క్రేజ్ తగ్గలే
స్టాక్ మార్కెట్తో లింక్ అయి ఉండే ఈక్విటీ మ్యూచువల్ ఫండ్స్పై ఇన్వెస్టర్లకు నమ్మకం అస్సలు తగ్గలేదు. మే నెలలో ఈక్విటీ ఫండ్స్లోకి రూ.22వేల 908 కోట్ల పెట్టుబడులు వచ్చాయి. ఏప్రిల్లో వచ్చిన రూ.38వేల 440 కోట్లతో పోలిస్తే ఇది కాస్త తక్కువే అయినప్పటికీ.. మార్కెట్ ఒడిదొడుకుల్లోనూ ఇన్వెస్టర్లు లాంగ్ టర్మ్ గేమ్ ఆడుతున్నారని ఈ పాజిటివ్ ట్రెండ్ నిరూపిస్తోంది.
డెట్ ఫండ్స్: ఊహించని యూటర్న్
అసలైన ట్విస్ట్ ఇక్కడే వచ్చింది. ఏప్రిల్లో ఏకంగా రూ.2లక్షల 47వేల కోట్ల భారీ ఇన్ఫ్లోస్తో కళకళలాడిన డెట్ ఫండ్స్.. మే నెలలో బోర్లా పడ్డాయి. ఏకంగా రూ.96వేల 949 కోట్ల మేర పెట్టుబడుల ఉపసంహరణ నమోదైంది. సాధారణంగా పెద్ద పెద్ద కార్పొరేట్ కంపెనీలు, ఇన్స్టిట్యూషనల్ ఇన్వెస్టర్లు తమ అవసరాల కోసం మే నెలలో నిధులను వెనక్కి తీసుకోవడమే దీనికి ప్రధాన కారణం.
ఈక్విటీ, డెట్ కలయికతో ఉండే హైబ్రిడ్ స్కీమ్స్ వైపు ఇన్వెస్టర్లు సేఫ్ గేమ్ ఆడారు. మే నెలలో ఇవి రూ.10వేల 560 కోట్ల పెట్టుబడులను ఆకర్షించాయి. ఇక ఈటీఎఫ్లు, ఇండెక్స్ ఫండ్స్ ఉన్న అదర్ స్కీమ్స్ కేటగిరీలో ఏప్రిల్లో రూ.20వేల 082 కోట్లు రాగా, మే నెలలో కేవలం రూ.362 కోట్లు మాత్రమే వచ్చాయి. ఇన్వెస్టర్లు ఇండెక్స్ ఫండ్స్ విషయంలో కాస్త వెయిట్ అండ్ వాచ్ మోడ్లోకి వెళ్లినట్లు కనిపిస్తోంది.
గోల్డ్ ఈటీఎఫ్ల పరిస్థితి ఇదే..
బంగారం ధరలు ఆకాశాన్ని తాకుతున్న వేళ, గోల్డ్ ఈటీఎఫ్ల నుంచి ఇన్వెస్టర్లు లాభాలను స్వీకరించినట్లున్నారు. అందుకే ఏప్రిల్లో ఇన్ఫ్లోస్ సాధించిన గోల్డ్ ఈటీఎఫ్లు, మే నెలలో రూ.725 కోట్ల నెగెటివ్ అవుట్ఫ్లోస్ను చూశాయి. ఇక రిటైర్మెంట్, చిల్డ్రన్ ఫండ్స్ లాంటి సొల్యూషన్-ఓరియెంటెడ్ స్కీమ్స్ మాత్రం ఎప్పటిలాగే స్థిరంగా రూ.270 కోట్ల పెట్టుబడులను సాధించాయి. క్లోజ్-ఎండెడ్ స్కీమ్స్ నుంచి రూ.1,156 కోట్ల ఉపసంహరణ జరిగింది.
మొత్తంగా చూస్తే.. డెట్ ఫండ్స్ దెబ్బతో మే నెలలో మ్యూచువల్ ఫండ్ ఇండస్ట్రీ మొత్తం మీద రూ.64వేల 004 కోట్ల నెట్ అవుట్ఫ్లోస్ను నమోదు చేసింది. మార్కెట్ సెంటిమెంట్కు తగ్గట్టుగా ఇన్వెస్టర్లు తమ పోర్ట్ఫోలియోలను ఎప్పటికప్పుడు మార్చుకుంటూ స్మార్ట్గా మూవ్ అవుతున్నారని ఈ డేటా చెప్పకనే చెప్తోంది.