Amazfit Bip Max Smartwatch launch: అమేజ్ఫిట్ (Amazfit) నుండి కొత్తగా బిప్ మాక్స్ (Bip Max) స్మార్ట్ వాచ్ ను లాంచ్ చేసింది. గత ఏడాది విడుదలైన Bip 6కు కొనసాగింపుగా వచ్చిన ఈ కొత్త మోడల్లో పెద్ద డిస్ప్లే, మెరుగైన బ్రైట్నెస్, అధునాతన ఫిట్నెస్ ఫీచర్లు, దీర్ఘకాలిక బ్యాటరీ లైఫ్ వంటి ఆకర్షణీయమైన ఫీచర్లను అందించింది.
Amazfit Bip Maxలో 2.07 అంగుళాల AMOLED డిస్ప్లేను అందించారు. ఇది 432 x 514 పిక్సెల్స్ రిజల్యూషన్తో వచ్చే ఈ స్క్రీన్ గరిష్టంగా 3,000 నిట్స్ బ్రైట్నెస్ను అందిస్తుంది. దీంతో ఎండలో కూడా డిస్ప్లే స్పష్టంగా కనిపిస్తుంది. ఈ స్మార్ట్వాచ్ అల్యూమినియం అల్లాయ్ ఫ్రేమ్తో లాంచ్ అయ్యింది. బిల్ట్-ఇన్ మైక్రోఫోన్, స్పీకర్ సాయంతో బ్లూటూత్ కాలింగ్ సపోర్ట్ లభిస్తుంది. అలాగే 5ATM వాటర్ రెసిస్టెన్స్తో 50 మీటర్ల లోతు వరకు నీటి నిరోధకతను అందిస్తుంది.
ఫిట్నెస్ ప్రియులను దృష్టిలో ఉంచుకుని ఇందులో 150కిపైగా స్పోర్ట్స్ మోడ్స్ను అందించారు. HYROX, స్ట్రెంగ్త్ ట్రైనింగ్, యోగా, పైలేట్స్ వంటి అనేక వర్కౌట్ మోడ్లు ఇందులో ఉన్నాయి. Zepp Coach ఆధారిత AI కోచింగ్ సిస్టమ్ వినియోగదారులకు వ్యక్తిగత శిక్షణ సూచనలను అందిస్తుంది. అలాగే 25 స్ట్రెంగ్త్ ట్రైనింగ్ మూవ్మెంట్లు, 8 క్రీడా కదలికలను ఆటోమేటిక్గా గుర్తించే స్మార్ట్ రికగ్నిషన్ ఫీచర్ కూడా ఉంది.
హెల్త్ మానిటరింగ్ కోసం BioTracker 6.0 PPG బయోమెట్రిక్ సెన్సార్ను అమర్చారు. ఇది 24 గంటల హార్ట్రేట్, రక్తంలో ఆక్సిజన్ స్థాయి (SpO2), ఒత్తిడి (Stress) స్థాయిలను పర్యవేక్షిస్తుంది. ఒకే ట్యాప్తో ఆరోగ్య కొలతలను తెలుసుకునే సౌకర్యం కూడా అందుబాటులో ఉంది. అలాగే ఇందులో బిల్ట్-ఇన్ GPSతో పాటు GPS, GLONASS, GALILEO, QZSS సహా ఐదు శాటిలైట్ పొజిషనింగ్ సిస్టమ్లకు మద్దతు ఉంది. అలాగే 4GB స్టోరేజ్తో ఆఫ్లైన్ మ్యూజిక్, మ్యాప్స్ను కూడా సేవ్ చేసుకోవచ్చు.
బ్యాటరీ విషయానికి వస్తే.. 550mAh బ్యాటరీని అందించారు. సాధారణ వినియోగంలో గరిష్టంగా 20 రోజుల బ్యాటరీ లైఫ్, హెవీ యూజ్లో 10 రోజుల బ్యాటరీ బ్యాకప్, నిరంతర GPS వినియోగంలో 40 గంటల వరకు పనిచేస్తుందని కంపెనీ తెలిపింది. ఈ స్మార్ట్ వాచ్ సిల్వర్ రంగులో అందుబాటులోకి వచ్చింది. దీని ధర రూ.10,999గా నిర్ణయించారు. ప్రస్తుతం అమెజాన్, Amazfit అధికారిక వెబ్సైట్తో పాటు ప్రముఖ ఆన్లైన్, ఆఫ్లైన్ స్టోర్లలో కొనుగోలుకు అందుబాటులో ఉంది.