QNET/IGNITE మల్టీ లెవల్ మార్కెటింగ్ మోసాలను ఛేదించారు సీసీఎస్ పోలీసులు. 4 రాష్ట్రల్లో ఆపరేషన్ చేసిన హైదరాబాద్ పోలీసులు.. మోసపూరిత MLM రాకెట్ గుట్టు రట్టు చేశారు. ఈ కేసులో ఆరుగురు నిందితులను అరెస్టు చేశారు. రూ.5,000 కట్టితే చెక్పోస్ట్ హైదరాబాద్ సిటీ పోలీసులో ఉద్యోగం అంటూ ప్రకటనతో మోసాలకు పాల్పడ్డారు. క్యూఆర్ కోడ్ అవతారం పేరిట ఇగ్నైట్ మోసాలకు పాల్పడినట్లు ఈ సందర్భంగా సీపీ సజ్జనార్ తెలిపారు.
ఈ మోసానికి పాల్పడిన వివరాలు సీపీ సజ్జనార్ మాటల్లోనే:
- ఇగ్నైట్ పేరుతో నకిలీ నియామక ప్రకటనలు వైరల్.
- నాగాలాండ్ రాష్ట్రానికి చెందిన యువకులు, నిరుద్యోగులను లక్ష్యంగా చేసుకున్న మోసగాళ్లు.
- అభ్యర్థుల నుంచి రూ.5,000 చొప్పున వసూలు చేసి భారీ మోసానికి పాల్పడిన నిందితులు.
- సైబరాబాద్ పోలీసులు కేసు నమోదు చేసి దర్యాప్తు చేపట్టారు
- నిందితుల బ్యాంక్ ఖాతాల్లో రూ.1.87 లక్షల లావాదేవీలు వెలుగులోకి వచ్చాయి.
- వేర్వేరు ఖాతాల్లో రూ.61 వేల 639, రూ.63 వేల 899 నగదు జమ చేసిన ఆధారాలు స్వాధీనం.
- మొబైల్ ఫోన్లు, బ్యాంక్ పాస్బుక్స్, సిమ్ కార్డులు, ఇతర డిజిటల్ ఆధారాలు స్వాధీనం.
- అంతర్రాష్ట్ర నెట్వర్క్గా పనిచేస్తున్న మోసగాళ్ల గ్యాంగ్పై దృష్టి.
- ఈ కేసులో ఇప్పటివరకు 25 మంది బాధితులను గుర్తించాము.
DCP చైతన్య వెల్లడించిన వివరాలు :
- 5,000 డిపాజిట్ స్కీమ్పై హైదరాబాద్ సీసీఎస్ పోలీసుల దర్యాప్తు చేపట్టారు
- కంపెనీ పెట్టిన 18 రోజుల డెడ్లైన్తో బాధితుల్లో ఆందోళన.
- భారీ లాభాల ఆశ చూపించి వేలాది మందిని ఆకర్షించిన నిర్వాహకులు.
- 2026 జూన్ 5, 6 తేదీల్లో బాధితులకు చెల్లింపులు నిలిపివేత.
- సుమారు రూ.1.87 లక్షల పెట్టుబడులతో మోసపోయిన బాధితుల ఫిర్యాదులు.
- వాట్సాప్ గ్రూపులు, సోషల్ మీడియా ద్వారా డిపాజిట్ల సేకరణ.
- సీసీఎస్ ప్రత్యేక బృందాల దాడులు.. కీలక ఆధారాల స్వాధీనం.
- ఇప్పటివరకు 25 మంది అరెస్ట్.. మరిన్ని అరెస్టులకు రంగం సిద్ధం.