సౌత్ ఇండియాలో తన నటనతో, డాన్స్తో కోట్లాది మంది అభిమానులను సంపాదించుకున్న సాయి పల్లవి, ఇప్పుడు బాలీవుడ్ జెండా పాతేందుకు సిద్ధమైంది. అమీర్ ఖాన్ వారసుడు జునైద్ ఖాన్ హీరోగా పరిచయమవుతున్న ‘ఏక్ దిన్’ చిత్రంతో ఆమె హిందీ వెండితెరకు పరిచయమవుతోంది. తాజాగా విడుదలైన ఈ సినిమా ట్రైలర్ ప్రేక్షకులను భావోద్వేగానికి గురిచేస్తోంది. ట్రైలర్ చూస్తుంటే, సాయి పల్లవి ఇందులో ఒక అరుదైన వ్యాధితో బాధపడే యువతిగా కనిపిస్తోంది. ఆమెను ప్రాణంగా ప్రేమించే హీరో (జునైద్), ఆమెతో కనీసం ‘ఒక్క రోజు’ అయినా ప్రేమగా గడపాలని కోరుకుంటాడు.
Also Read : Satyadev: మహేష్ బాబుతో సీన్ చేశానని ఊరంతా చెప్పిన.. కానీ కట్ చేస్తే..!
ఆ ఒక్క రోజు వారి జీవితాల్లో ఎలాంటి మార్పులు తెచ్చింది? విధిని ఎదిరించి వారి ప్రేమ ఎలా గెలిచింది? అనే పాయింట్ను దర్శకుడు సునీల్ పాండే ఎంతో సున్నితంగా ఆవిష్కరించినట్లు తెలుస్తోంది. సాయి పల్లవి తన నేచురల్ యాక్టింగ్తో హిందీ ఆడియెన్స్ను కూడా మంత్రముగ్ధులను చేయడం ఖాయమనిపిస్తోంది. ఈ చిత్రాన్ని తెలుగులో ‘ఒక రోజు’ పేరుతో విడుదల చేస్తున్నారు. అమీర్ ఖాన్ స్వయంగా మన్సూర్ ఖాన్, అపర్ణ పురోహిత్లతో కలిసి ఈ భారీ ప్రాజెక్టును నిర్మించారు. రామ్ సంపత్ అందించిన సంగీతం ట్రైలర్కు ప్రాణం పోసింది. మే 01న ఈ సినిమా ప్రపంచవ్యాప్తంగా విడుదల కానుంది. సాయి పల్లవి నటిస్తున్న తొలి హిందీ సినిమా కావడంతో తెలుగు ప్రేక్షకుల్లో కూడా ఈ చిత్రంపై భారీ అంచనాలు నెలకొన్నాయి.