Cylinder Gas Level Hacks: నేటి కాలంలో వంట గదిలో ఎల్పీజీ సిలిండర్ లేనిదే పని జరగదు. ఉదయం టీ నుంచి రాత్రి భోజనం వరకు ప్రతిదీ గ్యాస్ పైనే ఆధారపడి ఉంటుంది. అయితే, వంట చేస్తున్న సమయంలో అకస్మాత్తుగా గ్యాస్ అయిపోతే వచ్చే ఇబ్బంది అంతా ఇంతా కాదు. ముఖ్యంగా ఇంట్లో రెండో సిలిండర్ అందుబాటులో లేనప్పుడు ఆ గందరగోళం మరింత ఎక్కువగా ఉంటుంది.
అలాంటి పరిస్థితి రాకుండా ఉండాలంటే, సిలిండర్లో గ్యాస్ ఎంత ఉందో ముందే తెలుసుకోవడం ముఖ్యం. ఎటువంటి యంత్రాలు లేకుండా, ఇంట్లోనే ఈ చిన్న పద్ధతుల ద్వారా గ్యాస్ స్థాయిని అంచనా వేయవచ్చు.
Akshay Tritiya: అక్షయ తృతీయ వేళ భారీ ఊరట? బంగారం, వెండి ధరలపై కేంద్రం బిగ్ డెసిషన్.. పసిడి దిగివస్తుందా!
ఎటువంటి పరికరాలు లేకుండా గ్యాస్ స్థాయిని ఎలా తెలుసుకోవాలి?
చాలామంది సిలిండర్లో గ్యాస్ ఎంత ఉందో తెలుసుకోవాలంటే ఏదైనా మెషిన్ ఉండాలని అనుకుంటారు. కానీ మన ఇంట్లో ఉండే వస్తువులతోనే నిమిషాల్లో దీనిని కనిపెట్టవచ్చు.
1. తడి బట్టతో చేసే ట్రిక్:
సిలిండర్లో గ్యాస్ ఎంత ఉందో తెలుసుకోవడానికి ఇది అత్యంత సులభమైన మార్గం. ముందుగా ఒక బట్టను నీటిలో తడిపి, సిలిండర్ చుట్టూ తుడవండి లేదా కొన్ని నిమిషాల పాటు సిలిండర్కు చుట్టండి. కాసేపటి తర్వాత ఆ బట్టను తీసి గమనించండి. సిలిండర్ పైన ఏ భాగం అయితే త్వరగా ఆరిపోతుందో ఆ భాగం ఖాళీగా ఉందని అర్థం. ఏ భాగం అయితే ఇంకా తేమగా (తడిగా) ఉంటుందో, అక్కడ గ్యాస్ ఉందని అర్థం. సిలిండర్ లోపల ఉన్న గ్యాస్ చల్లగా ఉండటం వల్ల ఆ భాగం ఆరడానికి సమయం పడుతుంది.
2. చాక్ పీస్ పద్ధతి:
ఇది కూడా దాదాపు తడి బట్ట ట్రిక్ లాంటిదే. ఒక చాక్ పీస్ తీసుకుని సిలిండర్ పై పైనుంచి కింది వరకు ఒక నిలువు గీత గీయండి. ఆ తర్వాత సిలిండర్పై నీళ్లు చల్లండి. గ్యాస్ ఉన్న చోట చాక్ పీస్ గీత తడిగా కనిపిస్తుంది. గ్యాస్ లేని చోట త్వరగా ఆరిపోతుంది.
3. శబ్దం ద్వారా గుర్తించడం:
మీరు సిలిండర్ను స్పూన్ లేదా ఏదైనా నాణెంతో మెల్లగా తట్టినప్పుడు వచ్చే శబ్దాన్ని గమనించండి. శబ్దం భారీగా (Heavy sound), తక్కువగా వస్తే సిలిండర్ నిండుగా ఉందని అర్థం. శబ్దం ఖాళీగా ప్రతిధ్వనించినట్లు వస్తే సిలిండర్ దాదాపు ఖాళీ అయిపోయిందని గుర్తించాలి.
ఈ చిన్న చిన్న చిట్కాలను పాటిస్తే వంట మధ్యలో గ్యాస్ అయిపోయి ఇబ్బంది పడాల్సిన అవసరం ఉండదు. గ్యాస్ తక్కువగా ఉందని తెలిసిన వెంటనే ముందుగానే కొత్త సిలిండర్ బుక్ చేసుకోవడానికి వీలవుతుంది.
Akshaya Tritiya: మహిళలకు గుడ్న్యూస్.. 50 శాతం తగ్గింపుతో మతిపోగొట్టే ఆఫర్!
మరిన్ని బిజినెస్ వార్తల కోసం ఇక్కడ క్లిక్ చేయండి